ذنبي انا

بيتي ولع من فترة وعيالي ما.توا … كان معايا ولد وبنتين وانا الوحيدة اللي ما مو.تش … انا عارفة ان ده ذنبي وهما اتاخدوا بذنبي.. وانا عايزة اعترف بذنبي

من وانا صغيرة كنت اشوف امي اي حد يأذيها تعمل له عمل على طول …كانت بتاخدني في ايدها على طول ولما اسألها ليه بتعملي كده تقول لي باخد حقي واللي اذى لازم يتأذي ويتربى

لما كبرت لقيت نفسي بعمل اللي امي بتعمله وكانت بتشجعني

جوزي خانني وانا كنت بحبه اوي ومش مقصرة معاه خالص … وعرف اني عرفت انه خانني وقعد يعتذرلي بس انا كنت حاسة ان ليا حق لازم اخده

روحت عملت له عمل عند واحد امي كانت بتتعامل معاه …اداني مياه احطها في العصير بعد ما بقى ياخد العصير بشهرين جاله فشــ,ل كلوي وما.ت

= هي المياه كان فيها ايه؟

هو قال لي المياه مش مؤذية دي هترجعه ليكي وميخونكيش تاني …وانا بقول ان اكيد الفــ,شل الكلوي مش من العمل اكيد يعني … ده مجرد سبب

المهم بعد مو.ت جوزي بشهرين امي توفت ..النعش بتاعها مكنش راضي يتحرك والناس كانت تسألني هي امك كانت بتعمل ايه ؟ مكنتش بقول طبعا

بس انا كنت عارفة انها خربت بيوت كتير

= يعني كانت بتأذي مين ؟؟

اي حد يضايقها حتى لو جارة لينا … اي حد … حتى اقرب الناس ليها ..كانت مفكرة انها حاجة عادية يعني

المهم في يوم حصل ماس كهربائي بسيط جدا … بسيط جدا جدا ميعملش كده …مكنتش متخيلة انه يعمل كده …كنت في الشقة مع ولادي انا محصليش اي حاجة وكان نفسي يحصل لي معاهم

= الشــ,قة ولعت ازاي يعني؟

– الماس الكهربائي البسيط خلى الشقة ولعت واغمى عليا الناس خرجوني …على ما خرجوا ولادي كانوا خلاص … 3 ولاد زين ومريم وامل … التلاتة ما.توا

= انتي اذيتي مين غير جوزك؟

– هو جوزي … بس كنت على طول ماشية مع امي وهي رايحة تعمل العمل لسلفتها وجارتها وكل مرة كنت بروح معاها

انا دلوقتي اتوجعت جدا بعد مو.ت ولادي …. انا توبت جدا جدا … مش مبطلة صلاة وبروح الجامع … انا عايشة لوحدي وباخد معاش جوزي

انا سمعت شيخ مرة قال لما تعملي ذنب كبير خليه بينك وبين نفسك وتوبي … انا توبت فعلا وكنت محتفظة بالسر لنفسي

انا اتكلمت لاني بحلم بولادي كتير جدا وجوزي كمان وهحاول اعمل عمرة قريب يمكن ربنا يتقبل توبتي وبصلي الوقت بوقته يمكن

اللَّهُمَّ يَا بَارِئَ البَرِيَّاتِ ، وَغَافِرَ الخَـطِيَّاتِ ، وَعَالِمَ الخَفِيَّاتِ ، المُطَّلِعُ عَلَى الضَّمَائِرِوَالنِّيَّاتِ ، يَا مَنْ أَحَاطَ بِكُلِّ شَيءٍ عِلْماً ، وَوَسِعَ كُلّ شَيْءٍ رَحْمَةً ، وَقَهَرَ كُلّ مَخْلُوقٍ عِزَّةًوَحُكْماً ، اغْفِرْ لِي ذُنُوبِي ، وَاسْتُرْ عُيُوبِيَ ، وَتَجَاوَزْ عَنْ سَيِّئَاتِيَ إِنَّكَ أَنْتَ الْغَفُورُالرَّحِيمُ.

اللَّهُمَّ يَا سَمِيعَ الدَّعَوَاتِ ، يَا مُقِيلَ العَثَرَاتِ ، يَاقَاضِيَ الحَاجَاتِ ، يَا كَاشِفَ الكَرُبَاتِ ،يَا رَفِيعَ الدَّرَجَاتِ ، وَيَا غَافِرَ الزَّلاَّتِ ، اغْفِرْ لِلْمُسْلِمِينَ وَالمُسْلِمَاتِ ، وَالمُؤْمِنِينَوَالمُؤْمِنَاتِ، إِنَّكَ سَمِيعٌ قَرِيبٌ مُجِيبُ الدَّعَوَاتِ.

اللَّهُمَّ إِنِّي أَسْأَلُكَ بِاسْمِكَ الأَعْظَمِ ، الَّذِي إِذَا دُعِيتَ بِهِ أَجَبْتَ ، وَإِذَا سُئِلْتَ بِهِ أَعْطَـيْتَ ،أَسْأَلُكَ بِأَنِّي أَشُهَدُ أَنَّكَ أَنْتَ اللهُ لا إِلَهَ إِلاَّ أَنْتَ ، الأَحَدُ الصَّمَدُ ، الَّذِي لَمْ يَلِدْ، وَلَمْ يَولَدْ ،وَلَمْ يَكُنْ لَهُ كُفُوًا أَحَدٌ ؛ أَنْ تَغْفِرَ لِي ذُنُوبِي ، إِنَّكَ أَنْتَ الغَفُورُ الرَّحِيمُ.

اللَّهُمَّ إِنَّكَ عَفُوٌّ كَرِيمٌ تُحِبُّ العّفْوَ فَاعْفُ عَنِّي.

اللَّهُمَّ رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالمُؤْمِنَاتِ.