قربت من الباب
وبصيت من العين السحرية.
ولأول مرة
شفته كامل.
كان واقف
بجسمه الحقيقي
بس وشه
وش ميـــ،ت.
عيون سودا
مش بشرية.
هدوم مهروقة.
صدره بيتحرك
لكن مش بنفس بشر.
ولما قربت أكتر
ابتسم.
وهمس من ورا الباب
ماااازن
فتح
أنا جيت.
ط
الجزء الثاني عشر فتح الباب
كان صوت إيهاب خارج الباب
مش صوت إنسان.
الصوت كان بينحت الحيطان
كأنه جاي من حفرة عميقة في الأرض.
مازن
افتح
أنا جيت.
إيدي كانت على مقبض الباب
مش باختياري.
في حاجة كانت بتسحبني
تحرك جسمي من غير ما عقلي يتحكم فيه.
رجعت أفكر في كلام مي
لو شم ريحتك أو عرف إنك موجود هيتجنن.
لكن دلوقتي
هو نادى اسمي.
يعني ميتأكد.
وقاصد.
وعارف
إنه بيخوفني.
وبدل ما أهرب
فتحت.
نعم.
لفيت المفتاح
وسحبت الباب
وبصوت هادي بس واقف جوا زلزال
تعالى.
الباب اتفتح.
اللحظة اللي اتغير فيها كل شيء
إيهاب وقف قدامي
جسم حقيقي
جسد رجل
لكن الروح
مش موجودة.
شعره منكوش
وشه رمادي
عينه سودا مافيهاش بياض
كأنها حفرتين
بيبلعوني.
بص علي.
اتسم وجهه ابتسامة
ابتسامة مكسورة
ابتسامة واحد بيرجع بيت كله ذكريات
لكن كله غضب.
دخل خطوة.
الأرض تحت رجله
كانت بتئن.
بصوت غليظ مبحوح
قال
أنت
اللي واخد
مكاني.
الجزء الثالث عشر أول كلمة بينا
وقفت
