الجزء الثاني
تجمدت مريم وهي تحدق في شاشة الهاتف.
الصورة كانت واضحة.
باب شقتها مكسور جزئيًا، ورجل يرتدي ملابس سوداء يقف أمامه وبيده ، بينما سيارة بلا لوحات تقف في الشارع.
همست بصوت مرتعش
إيه ده…؟
أجاب آدم المنصوري بوجه جامد
الصورة اتبعتتلي من أقل من دقيقة.
نظرت إليه بعدم فهم.
وليه حد يهاجم بيتي أنا؟
تنهد وقال
ده السؤال اللي لازم نعرف إجابته.
هزت رأسها بعصبية.
أكيد في غلط… أنا ست عادية، معنديش أي عداوات.
اقترب منها أحد الحراس وهمس في أذن آدم
يا فندم… رجالنا وصلوا العمارة.
رد بسرعة
حد دخل؟
لأ… لكن لقوا الباب مكسور، والجيران بيقولوا إن الراجل هرب أول ما سمع صوت عربية.
وضعت مريم يدها على فمها.
يعني… كان داخل يسرق؟
نظر إليها آدم طويلًا قبل أن يقول
لو كان حرامي… كان خد أي شقة تانية.
ثم قلب الهاتف وأراها صورة أخرى.
هذه المرة كانت لورقة ملقاة أمام باب شقتها.
كُتب عليها بخط أحمر
ابحثوا عنها… قبل أن تصل إليه.
ارتجف جسدها.
يقصدوا مين؟
لم يجب آدم مباشرة.
بل سألها
آخر مرة كلمتي فيها حد قبل السفر؟
فكرت قليلًا.
صاحب العمارة… وصاحب شركة السفر… وخالتي.
ثم تذكرت فجأة.
اتسعت عيناها.
وفي واحد اتصل بيا قبل يومين.
مين؟
معرفوش… قال إنه من شركة تأمين، وسألني إذا كنت لسه ساكنة في نفس العنوان.
تبادل آدم النظرات مع أحد رجاله.
ثم قال بحزم
من النهارده… مفيش حد يعرف مكانك.
اعترضت فورًا.
مستحيل… أنا هرجع بيتي.
رد بنبرة لا تقبل النقاش
لو رجعتي… هتديهم اللي هم عايزينه.
سألته بخوف
هم عايزين إيه مني؟
ساد صمت ثقيل.
ثم قال
غالبًا… مش عايزين منك إنتِ.
ازدادت حيرتها.
أومال؟
نظر إلى طفلته الصغيرة، التي كانت نائمة بسلام بين ذراعي المربية، وقال بصوت منخفض
عايزين يوصلوا لبنتي.
شعرت مريم بقشعريرة تسري في جسدها.
يعني… اللي حصل على الطيارة مش صدفة؟
رفع رأسه إليها.
أنا بدأت أشك إنه ماكانش صدفة أبدًا.
وفي تلك اللحظة، رن هاتف أحد الحراس.
فتح السماعة، ثم شحب وجهه.
التفت إلى آدم وقال بصوت متوتر
يا فندم… في خبر خطير.
اتكلم.
لقينا كاميرات العمارة.
وبعدين؟
ابتلع الرجل ريقه وقال
الشخص اللي حاول يدخل شقة الآنسة مريم… خرج من عربية كانت ماشية ورا الطائرة من أول ما اتحركت من المطار.
ساد الصمت.
ونظرت مريم إلى آدم، بينما أدرك الاثنان في اللحظة نفسها أن ما يحدث ليس مجرد محاولة سرقة…
بل بداية لعبة أخطر بكثير مما تخيلا.
يتبع…الجزء الثالث
ظل الصمت يسيطر على المكان لثوانٍ طويلة.
قال آدم للحارس
هات تسجيل الكاميرات.
فتح الحارس الجهاز اللوحي، وبدأ المقطع يعمل.
ظهرت سيارة سوداء تقف خارج المطار قبل هبوط الطائرة بوقت قصير، ثم تحركت خلف موكب آدم حتى وصلت إلى الحي الذي تسكن فيه مريم.
همست مريم
معقول يكونوا بيراقبوني من قبل الرحلة؟
رد آدم
أو كانوا بيراقبوني أنا… وانتي دخلتي في الصورة بالصدفة.
لكن شيئًا لم يكن منطقيًا.
لو كان الهدف هو آدم، فلماذا يذهب المهاجم مباشرة إلى منزل مريم؟
قطع أفكاره صوت هاتفه المشفر.
نظر إلى الشاشة، فتغيرت ملامحه.
مين؟
جاءه صوت مدير الأمن
يا فندم… في حاجة لازم تعرفها فورًا.
اتكلم.
فتشنا شقة الآنسة مريم بعد إذن النيابة، عشان نتأكد إنها فاضية… ولقينا حاجة غريبة.
تجمدت مريم.
حاجة إيه؟
قال الرجل
لقينا ظرف بني مخبّي ورا الدولاب في أوضة الأطفال.
شهقت مريم.
مستحيل… أنا عمري ما حطيت أي ظرف هناك.
فتح مدير الأمن الظرف أمام الكاميرا.
خرجت منه فلاشة إلكترونية صغيرة… وصورة قديمة.
اقتربت مريم من الشاشة، وما إن رأت الصورة حتى شعرت أن قدميها لم تعودا تحملانها.
كانت الصورة لزوجها الراحل أحمد…
واقفًا بجوار رجل لم تره من قبل.
لكن آدم عرفه فورًا
واختفى اللون من وجهه.
قال بصوت منخفض
مستحيل…
سألته مريم بقلق
تعرفه؟
أجاب وهو لا يرفع عينيه عن الصورة
ده شريكي السابق… سامر الجندي.
يعني إيه؟
تنهد ببطء.
من خمس سنين اختلس ملايين من الشركة وهرب، ومن يومها وهو مختفي… وكل اللي حاول يشهد ضده اتعرض لحوادث غريبة.
ازدادت حيرة مريم.
وأحمد… جوزي… كان يعرفه إزاي؟
لم يجب آدم.
طلب تشغيل الفلاشة فورًا.
وبعد دقائق ظهرت على شاشة اللابتوب رسالة مصورة.
كان أحمد.
وجهه مرهق، وصوته متوتر.
قال وهو ينظر إلى الكاميرا
لو الرسالة دي اشتغلت… يبقى غالبًا أنا بقيت ميت.
انهمرت دموع مريم.
مدت يدها نحو الشاشة وكأنها تريد أن تلمسه.
واصل أحمد كلامه
مريم… لو إنتِ اللي بتشوفي الفيديو، اعرفي إن الحادث ماكانش قضاء وقدر.
توقف قلبها للحظة.
أنا اكتشفت شبكة فساد كبيرة… وفي ناس مستعدة تقتل أي حد يعرف الحقيقة.
ثم أخرج ملفًا من حقيبته.
الدليل الحقيقي مش معايا… أنا خبيته في مكان محدش هيفكر يدور فيه.
وقبل أن يكمل…
انقطع الفيديو فجأة.
ظهرت الشاشة سوداء.
وفي اللحظة نفسها، دوى إنذار قوي داخل مقر آدم.
اندفع أحد الحراس إلى الداخل وهو يصرخ
يا فندم… الكهرباء اتقطعت في الدور الأرضي… والكاميرات الخارجية كلها اتعطلت!
ثم سُمع صوت إطلاق من خارج المبنى…
لتدرك مريم أن الأشخاص الذين يطاردونها لم يعودوا يبحثون عنها فقط…
بل عرفوا مكانها أيضًا.
يتبع…الجزء الرابع
دوّى إطلاق مرة أخرى.
وفي لحظة واحدة، انطفأت الأنوار في الطابق بالكامل، ولم يبقَ سوى أضواء الطوارئ الحمراء التي ملأت الممرات بلون مخيف.
صرخ أحد الحراس
احموا الآنسة مريم والطفلة!
أمسكت مريم بالرضيعة دون تفكير، وضمتها إلى صدرها، بينما اصطحبها أحد الحراس نحو غرفة محصنة داخل القصر.
أما آدم، فأخرج لأول مرة أمامها وقال ببرود
محدش يطلع من مكانه.
بعد دقائق من التوتر، عاد التيار الكهربائي تدريجيًا.
دخل رئيس الأمن وهو يلهث.
يا فندم… المهاجمين هربوا.
سأله آدم
دخلوا القصر؟
لأ… كانوا بيختبروا التأمين بس، لكن…
توقف فجأة.
لكن إيه؟
أجاب بصوت خافت
لقينا واحد من رجالنا مقتول عند البوابة الخلفية.
ساد الصمت.
فهم الجميع أن خصمهم ليس مجرد مجموعة لصوص، بل أشخاص محترفون.
نظر آدم إلى مريم وقال
من النهارده هتفضلي تحت حمايتي، لحد ما نعرف الحقيقة.
اعترضت مريم
أنا مش عايزة أكون سبب في أي مشاكل ليك.
ابتسم بحزن.
للأسف… المشاكل وصلت قبل ما تقولي الجملة دي.
وفي تلك اللحظة، تذكرت مريم شيئًا فجأة.
وضعت يدها على رأسها وقالت
استنى… أحمد قال مرة إنه لو حصله حاجة، أدور على الهدية الأخيرة اللي سابها للتوأم.
رفع آدم رأسه بسرعة.
هدية إيه؟
معرفش… افتكرته وقتها بيتكلم من وجعه بعد الحادث اللي سبق وفاته بأيام، وما اهتمتش.
فكر آدم لثوانٍ، ثم قال
أوضة الأطفال.
اتسعت عينا مريم.
إيه قصدك؟
الظرف كان هناك… ويمكن الدليل الحقيقي كمان هناك، لكن في مكان أدق.
أمر آدم فريقًا متخصصًا بالعودة إلى الشقة وتفتيشها سنتيمترًا سنتيمترًا.
وبعد أكثر من ساعتين، جاء الاتصال المنتظر.
