جوزي اللي عمره 31 سنة عمل تحليل أبوة لبنتنا اللي عمرها 5 سنين والنتيجة طلعت إنه مش أبوها بس أنا عمري ما
أعمل إيه مش عارفة إزاي ده حصل ومش قادرة أبطل عياط طول اليوم.
أنا عمري ما خنت جوزي. أنا بحبه جدا إحنا مع بعض من أيام الكلية وهو حب حياتي طيب وحنين.
مفيش أي احتمال إن حد تاني يكون أبو بنتنا.
أنا عمري ما خنت ومش ممكن أخون ومش عارفة ليه عمل التحليل الغبي ده أصلا بس النتيجة طلعت إنه مش أبوها ودلوقتي هو مقتنع بكده.
مش عارفة إزاي أقنعه إن التحليل غلط أنا مرعوبة جدا.
جوزي من شهور اتغير جدا وكأنه بقى شخص تاني خالص غير الراجل اللي حبيته واتجوزته. بقى بارد وبيشك فيا طول الوقت. فضل كل شوية يقولي عايز أشوف موبايلك. ومكنش بيقولي ايه السبب وفي الأول كنت بسيبله الموبايل بس في الآخر رفضت وقلتله عايزة أعرف بتعمل كده ليه بقى بعيد حتى عن بنتنا بيقعد بالساعات قافل على نفسه في المكتب ومش عارفة بيعمل إيه.
النهارده الصبح اتهمني بالخيانة وقال إنه عمل تحليل الأبوة بعد ما لاحظ إن عيون بنتنا بني ومش ممكن تكون بنته لإن إحنا الاتنين عنينا أزرق! وقالي أخرج من البيت.
أنا رفضت امشي راح
قافل علي نفسه باب الأوضة ورفض يدخلني. ودلوقتي أنا قاعدة في أوضة بنتي.
الموضوع مرعب جدا… أعمل إيه
تحديث
أنا محتاجة نصيحة واضحة عن إزاي أثبت إني بريئة وإزاي أقدر أحافظ على علاقتنا. أنا مش عايزة أخسر جوزي وبنتي وبيتي.
لسه متكلمة مع جوزي دلوقتي خرج من أوضته واتكلمنا شوية. قلتله تاني إني عمري ما خنته وقولتله خلينا نعمل تحليل تاني بس هو قال لي إنه مش عايز يسمع الكلام ده دلوقتي.
اتفقنا إننا هنتكلم تاني بكرة بهدوء وقال إنه لسه بيحب بنتنا بس هو لسه محتاج وقت علشان يعرف يفكر ويستوعب اللي بيحصل ده
أنا خايفة ومرعوبة قوي. وكل اللي نفسي فيه إن حياتنا ترجع زي الأول.
إزاي أثبت له إني بريئة
تحديث
أول حاجة حابة أشكر كل الناس اللي تواصلت معايا. البوست الأصلي أخد تفاعل ضخم جدا ومكنتش قادرة أرد على الكل.
أنا عملت قايمة فيها خطة بالخطوات والتحاليل اللي ناوية أعملها.
جوزي لسه مش واثق فيا بس في الآخر قرر يديني فرصة اثبت برائتي وقال إنه مش هيحاول من البيت تاني.
بس قالي بصراحة أن لو التحاليل
الجديدة أثبتت إني فعلا خنته. رد فعله هيكون عنيف فوق ما اتخيل.
تحديث
عملنا شوية تحاليل
تحاليل أبوة وأمومة بالدم ليا وله ولبنتنا
والنتيجة طلعت أن البنت مش بنتي أنا كمان!
في اللحظة اللي الممرضة قالت فيها الجملة دي حسيت الدنيا بتلف بيا. حرفيا كل حاجة حوالي اتشوشت الأصوات اتداخلت وجوزي اللي كان واقف جنبي مسك دماغه وسنده على الحيطة كأنه اتضرب على وشه بقوة.
فضلت أبص للورقة اللي في إيدي للحروف الصغيرة اللي مكتوبة بخط آلي كأنها سكاكين بتغرس في قلبي واحدة واحدة.
مش بنتي!
إزاي يعني! أنا اللي شلتها في بطني تسع شهور! أنا اللي كنت بحس بنبضها وأنا نايمة اللي اتوجعت وأنا بولدها اللي أرضعتها بإيدي!
مش بنتي!
حاولت أتكلم بس صوتي ما طلعش. كانت الممرضة بتقول بحذر
بنعتذر يا مدام بس نتيجة التحليل واضحة جدا ومطابقة لتحليل المستشفى وقت الولادة.
جوزي رفع عينه فيها وقال بغضب
يعني إيه يعني فيه خطأ!
ردت وهي مرتبكة
الاحتمال الوحيد إن الطفلة اتبدلت وقت الولادة.
الدمعة اللي كنت بحاول أقاومها نزلت فجأة وبعدها بكاء مكتوم وبعدين انفجار حقيقي.
حضنت صور بنتي بكل قوتي الصور اللي فيها أول يوم مدرسة أول مرة وقعت وعيطت وأنا جريت عليها أول مرة قالت لي بحبك يا ماما.
كل ده كان كدبة لا مستحيل!
مفيش تحليل في الدنيا يخليني أصدق إنها مش بنتي.
لكن لما شفت جوزي قاعد على الكرسي عيونه فاضية صوته رايح فهمت إننا داخلين على أيام صعبة جدا.
فضلنا في المستشفى ساعات طويلة بين مكاتب الشرطة والتحقيقات.
كنت بحكي وأنا ببكي بحكي عن تفاصيل نسيتها من كتر ما وجعتني.
رجعنا البيت آخر اليوم. البيت اللي كان بيضحك بيغني بيلعب بقى صامت كأنه مقبرة.
بنتي أو البنت اللي ربيتها كانت نايمة في ا الصغيرة محتضنة اللعبة اللي جبتها لها في عيد ميلادها الخامس.
قعدت عند سريرها أبص فيها ملامحها الهادية ضحكتها وهي نايمة النفس اللي بيطلع ويدخل في هدوء.
إزاي أقول لنفسي إنها مش بنتي
إزاي قلبي يصدق كده
تاني يوم جات الشرطة خدت عينات من المستشفى اللي ولدت فيها.
طلعوا إن في نفس اليوم فيه أم تانية ولدت في نفس الغرفة تقريبا ونفس التوقيت واللي حصل إن الأطفال اتبدلوا بالغلط بعد الولادة بسبب انقطاع الكهربا المفاجئ.
المستشفى كانت صغيرة متهالكة
والعاملين كانوا قليلين.
التحقيق بدأ رسميا وأنا كنت في حالة ذهول.
مرت أيام وأنا ما بنامش. جوزي بقى ساكت طول الوقت بيقعد في الصالة قدام التلفزيون مطفي كأنه تمثال.
كل مرة أشوفه عيونه تدمع وهو بيبص في صور البنت أعرف إنه بيحارب نفس اللي بحاربه أنا.
بس رغم كل ده كنت حاسة إن جوايا نار تانية.
مش بس ألم الفقد لأ خوف رهيب من المجهول.
فين بنتي الحقيقية هل لسه عايشة هل بتتعذب هل حد بيحبها زي ما أنا كنت بحب بنتي دي
بعد أسبوعين جالنا اتصال من الشرطة.
قالوا إنهم لقوا طفلة بنفس السن بنفس توقيت الولادة في دار رعاية قريبة من المدينة.
قالوا إن العيلة اللي كانت واخداها تم القبض عليهم في قضية إهمال وتعنيف وبعد الفحص لقوا إنها مش بنتهم البيولوجية.
قلبي وقتها وقف.
معقول دي تكون بنتي
