”مصحة هادية”.. الكلمة الشيك لـ ” المجانين”.
قلت لهم بضعف مصطنع: “يمكن فعلاً عندكم حق.”
أدهم قرب مني وباس راسي وقال: “أنا فخور بيكي إنك بدأتي تعترفي
كنت عايزة أكسر إيده، بس سألته: “ممكن تجيب لي كوباية ميه؟”
جاب الميه وفي إيده التانية “علبة . طلع كبسولة وحطها في إيدي والكل مراقبني. حطيتها في بوقي، وشربت الميه، وفجأة اتظاهرت إني “شرقت” وكحيت جامد. الكبسولة وقعت في كف إيدي من غير ما يشوفوا، والمايه غرقت هدومي.
قلت لهم وأنا بكح: “أنا أسفة.. بلعتها بالعافية. هطلع أغير هدومي وأنام.”
طلعت وجريت على الحمام، قفلت الباب بالمفتاح، وطلعت الكبسولة اللي كانت مبلولة في إيدي، وحطيتها في كيس صغير وخبيتها في شنطة المكياج.
فتحت الدش عشان يداري صوتي، وكلمت الشخص الوحيد اللي أثق فيه: “أستاذة إيناس”، محامية بابا الله يرحمه.
قلت لها بالهمس: “أدهم بيخدرني يا إيناس.. أدهم بيجنني.”
إيناس كانت ذكية جداً، قالت لي: “مواجهة لأ.. أكل أو شرب في البيت ده لأ. ابعتي لي لوكيشن حالاً، وأنا هبعت لك فريق طبي ومعمل تحاليل خاص وموثق قانوني.”
سألتها بخوف: “عايز يحجر عليا يا إيناس.”
ردت بقوة: “أبوكي كان عامل حسابه.. (مجموعة شركات المنشاوي) ليها نظام حماية، مفيش حجر يتم إلا بـ 3 تقارير طبية مستقلة وتحت إشرافي أنا شخصياً كـ (حارس قانوني).”
أدهم خبط على الباب: “منى؟ إنتي كويسة؟”
قفلت السكة وفتحت الباب. كان ماسك قميص نوم حرير وبص في الحمام كأنه بيفتش، وبعدين باس جبهتي وقال: “تصبحي على خير يا حبيبتي.”
الساعة 3 الصبح.. أدهم نايم زي القتيل. نزلت حافية السلم، وسمعت صوت وشوشة جاية من المكتب.
كريمة ونادين!
سمعت كريمة بتقول: “أدهم هيقدم الورق بكرة.. لو منى أخدت جرعة الصبح، مش هتعرف تنطق بكلمة قدام اللجنة الضهر.”
ونادين ردت بضحكة: “وأخيراً هاخد نصيبي.. أنا تعبت في الدور ده أوي.”
جريت على باب المطبخ، وخرجت للجنينة. كانت إيناس مستنياني في عربية سوداء ومعاها دكتور وممرضة. أخدوا عينات دم حالاً، وتحرزوا على علبة الفيتامينات والكبسولة اللي معايا.
الصبح، المعمل طلع النتيجة: “مهدئات ومواد بتسبب هلوسة وفقدان ذاكرة مؤقت.”
إيناس قالت لي: “دلوقتي إنتي معاكي سلاح.. مش بس عشان تطلقي، لكن عشان ترميهم في السجن.”
الساعة 12 الضهر، “أدهم” كان مجهز
دكتور رأفت (اللي كان مرتشي طبعاً) ورايحين يواجهوني عشان يوقعوني على ورق التنازل.
دخلوا المكتب، لقوني قاعدة ومعايا إيناس المنشاوي ومعانا “اتنين ظباط” من مباحث الأموال العامة.
أدهم وشه اصفر: “منى ؟ إيه ده؟”
إيناس ردت: “ده محضر شروع في وتزوير طبي، على أموال (مجموعة المنشاوي).”
أدهم حاول يمثل: “إنتي تعبانة يا حبيبتي.. إنتي بتهلوسي.”
فتحت اللابتوب وشغلت فيديو المطعم.. وشغلت تسجيل صوتي لكلام كريمة ونادين بليل.
أدهم وقع على الكرسي.. ونادين بدأت تصرخ وتتهم كريمة إنها هي اللي خططت.. وكريمة بصت لي بكل غل وقالت: “كان لازم نخلص منك من زمان.”
النتيجة:
أدهم: اتحكم عليه بـ 10 سنين العمد بالسم، والتآمر.
الحاجة كريمة ونادين: 7 سنين كشركاء في الجريمة.
دكتور رأفت: اتسحبت منه الرخصة وان هو كمان.
أنا دلوقتي قاعدة في مكتب والدي، بره في السكرتارية فيه ستات كتير بييجوا يطلبوا مساعدة “مؤسسة المنشاوي لحماية المرأة من الاستغلال”.
أستاذ هاني، مدير المطعم، بقى هو مدير الأمن في شركتي، وبنته دلوقتي بتدرس صيدلة على نفقة الشركة.
جوزي كان فاكر إنه
عقلي، بس الحقيقة إنه فوقني.. خلاني أعرف إن القوة مش في الفلوس، القوة في إنك متسمحيش لحد يخليكي تشكي في نفسك.. حتى لو كان أقرب الناس ليكي.
تمت.
