الكوافير بتاعها الستات بتدخله مع جوزها وتخرج منه أرملة والبوليس مش لاقي دليل واحد الجملة دي كانت مكتوبة بالحبر الأحمر على حيطة قسم الشرطة اللي فيه الظابط سامح قاعد بقاله تلات شهور مش عارف ينام كل ما يغمض عينه يشوف وشوش ستات بتعيط ووراها وش واحدة بتضحك ضحكة باردة صاحبة الكوافير اللي اسمها نسرين نسرين مكنتش ست عادية من أول ما فتحت الكوافير بتاعها في أول الشارع اللي جنب السوق والمنطقة كلها اتقلبت كوافير شيك جدا من برا إزاز فاميه وريحة بخور غريبة طالعة منه طول الوقت وجوة كراسي جلد أسود ومرايات كبيرة ونور هادي يخلي أي واحدة تحس إنها داخلة عالم تاني مش مجرد كوافير نسرين نفسها كانت حكاية لوحدها ست في أواخر التلاتينات بيضة وعينيها عسلي غامق وشعرها اسود طويل على طول لابسة اسود وبتتكلم بصوت واطي يخلي اللي قدامها لازم يقرب عشان يسمعها ومكنتش
بتضحك كتير بس لما بتضحك تحسي إن في حاجة غلط بتحصل ستات المنطقة بقوا يروحو لها مش عشان القص والصبغة بس عشان كلامها كانت تسمع المشكلة وتدي حل والحل بتاعها كان دايما غريب ومختلف أول حالة كانت سناء سناء كانت ست غلبانة جوزها اسمه أشرف كان سواق ميكروباص وبيشرب وكل يوم يرجع البيت يضربها ويمد ايده على فلوسها اللي بتشتغل بيها في حضانة سناء دخلت الكوافير بتعيط وعينها وارمة وبتقول لنسرين أنا تعبت يا نسرين مش قادرة أعيش معاه كل يوم ضرب وإهانة وأنا معنديش مكان أروحه نسرين طبطبت عليها وقالت لها تعالي اقعدي وغسلت لها شعرها بمية دافية وحطت لها ماسك ريحته حلوة أوي وقالت لها بصي يا سناء الراجل اللي بيوجعك ده لازم يتعلم الأدب بس مش في حاجات تانية بتوجع أكتر من الكلام وقامت جايبة ازازة صغيرة من الدرج لونها عسلي وقالت لها ده زيت هيخليه هادي زي الطفل
الصغير كل يوم نقطة واحدة في الشاي بتاعه قبل ما ينام وشوفي هيبقى عامل ازاي سناء خدت الازازة وهي خايفة بس كانت يائسة تاني يوم الصبح لقوا أشرف في الدكتور قال هبوط حاد في الدورة ومفيش أي شبهة سناء بقت أرملة وورثت الميكروباص وبقت صاحبة ملك وسناء قالت لكل الستات ده بفضل نسرين نسرين دي مبروكة دعيتلي وربنا استجاب تاني حالة كانت سلمى سلمى بنت عندها خمسة وعشرين سنة متجوزة واحد اسمه معاذ كان بيخونها مع كل ست يشوفها وكانت بتلاقي رسايل على تليفونه وصور وكل ما تواجهه يقول لها انتي مجنونة وبتتخيلي سلمى دخلت الكوافير وهي منهارة وقالت لنسرين أنا هتجنن يا نسرين جوزي بيخوني وعيني بجحة وبيقولي انتي اللي مقصرة نسرين بصت لها في المراية وقالت لها اللي عينه زايغة ده لازم عينه تتقفل خالص قامت جايبة نفس الازازة العسلية بس المرة دي لون الزيت كان أغمق شوية وقالت لها نفس الكلام نقطة واحدة كل يوم في القهوة بتاعته وهو مش هيشوف
غيرك بعد كده وبعد أربع أيام معاذ في الحمام وقع وهو بيستحمى الدكتور قال جلطة في المخ وسنه صغير بس بتحصل ومفيش شبهة جنائية سلمى بقت أرملة صغيرة وحزينة وكل الستات بقوا يقولوا يا عيني دي بس سلمى راحت لنسرين وحضنتها وقالت لها انتي اللي صبرتيني تالت حالة كانت نادية ورانيا وفاطمة كلهم نفس السيناريو يدخلوا بمشكلة مع جوزهم يخرجوا أرامل والبوليس مش لاقي دليل واحد لحد ما الظابط سامح اللي كان لسه منقول جديد للمنطقة بدأ يلاحظ إن فيه حاجة غلط معدل الوفيات للرجالة المتجوزين في المنطقة زاد أوي في تلات شهور ست رجالة ماتوا وكلهم أزواج ستات بيروحوا لنفس الكوافير سامح راجل ذكي جدا وعنده حس بوليسي عالي راح يبص على التقارير الطبية
كلها مكتوب فيها هبوط حاد جلطة فشل كلوي مفاجئ بس مفيش حاجة مشتركة غير إن كل الستات دي زباين عند نسرين سامح قرر يراقب الكوافير بنفسه وقف بعيد وشاف الستات داخلة خارجة واحدة داخلة وواحدة لابسة اسود خارجة ومبتسمة ابتسامة غريبة سامح دخل الكوافير على إنه عايز يحلق شعره نسرين بصت له وقالت له الكوافير ده حريمي بس يا باشا قال لها معلش أنا عارف بس كنت عايز أسألك على حاجة أصل مراتي زبونة عندك وبتشكر فيكي أوي نسرين ضحكت وقالت له مراتك مين قال لها اسم واحدة عشوائي قالت له آه طبعا عارفاها دي ست زي العسل سامح حس إنها بتكذب وإنها حافظة الستات كلها ومش هتنسى اسم واحدة فيهم سامح طلع من الكوافير وهو متأكد إن نسرين
ورا كل اللي بيحصل بس فين الدليل مفيش بصمات مفيش في الجسم الطب الشرعي مش لاقي حاجة الازايز اللي بتديها للستات بعد والستات نفسهم مش فاهمين إنهم جوازهم فاكرين إن ده قضاء وقدر ودعوة نسرين المستجابة سامح جاب سناء وسألها قالت له والله يا باشا نسرين ادتني زيت ريحته حلوة وقالت لي ده هيهديه بس أنا رميت الازازة من زمان سلمى قالت نفس الكلام سامح فكر يعمل كمين جاب واحدة ست من المباحث اسمها مها وقال لها روحي لنسرين واحكي لها إن جوزك وشوفي هتديكي ايه مها راحت وهي لابسة عباية ومدارية وشها
وقالت لنسرين الحقيني يا نسرين جوزي من نسرين طبطبت عليها وعملت نفس الطقوس غسيل شعر وماسك وكلام هادي وبعدين فتحت الدرج وطلعت ازازة جديدة المرة دي لونها أخضر غامق وقالت لها خدي ده نقطة واحدة كل يوم في الأكل وهيبقى خاتم في صباعك مها خدت الازازة وخرجت بسرعة وادت الازازة لسامح سامح جري على المعمل وحلل الزيت لقوا إنه مش زيت عادي ده خلطة من نباتات سامة نادرة جدا بتتزرع في الصعيد وبتعمل فشل في
الأعضاء لو اتاخدت بجرعات صغيرة على أيام متتالية ومش بتبان في التحليل العادي بتاع الطب الشرعي غير لو دوروا عليها مخصوص سامح خد قوة وراح على الكوافير المكان لقى نسرين قاعدة بتشرب شاي وبتضحك كأنها مستنياه قال لها خلاص يا نسرين اللعبة خلصت لقينا الدليل نسرين قالت له دليل ايه يا باشا أنا ببيع زيوت طبيعية للشعر هو ده ممنوع سامح قال لها زيوت طبيعية بتموت الرجالة نسرين قامت وقالت له أنا حد الستات هي اللي جوازها أنا بس اديتهم اللي هما عايزينه هما اللي كانوا عايزين يخلصوا منهم وأنا ساعدتهم انت عارف كام واحدة دخلت عليا وهي
ومتهانة ومحدش سمع لها انت عارف القانون مش بيعمل حاجة للست الغلبانة أنا كنت بعدل الميزان اللي مايل سامح بص لها وقال لها انتي مش ربنا عشان تعدلي الميزان انتي قاتلة بس بطريقة ذكية نسرين ضحكت ضحكة عالية وقالت له اثبت أنا مقت*لتش حد بإيدي هما اللي حطوا بإيديهم لجوزهم أنا بس اديتهم ازازة قلت لهم ده زيت للهدوء سامح سكت شوية وبعدين قال لها طب وأشرف وسناء أول واحدة انتي كنتي تعرفي إن أشرف بيضربها عشان هو كان جوزك انتي قبل كده مش كده نسرين وشها اتغير أول مرة سامح كان بحث ورا نسرين وعرف إنها كانت متجوزة أشرف من خمس سنين وكان بيضربها وبهدلها لحد ما خلعته وهربت وفتحت الكوافير ده عشان
