اتجمدت في مكاني.
قلت له
هتمشيني من غير ما تسمعني؟
قال
الكلام انتهى.
دخلت الشقة وأنا مش شايفة قدامي من كتر الدموع.
حضنت آدم وليان.
آدم كان ماسك في رقبتي وهو بيقول
ماما إنت رايحة فين؟
أما ليان، فكانت بتعيط من غير ما تكون فاهمة إيه اللي بيحصل.
قلبي كان بيتقطع.
حضنتهم الاتنين، وبستهم، وأنا مش قادرة أقولهم الحقيقة.
خرجت من البيت وأنا سامعة صوت عياطهم بينادي
ماما متسيبناش.
لكن أحمد قفل الباب.
وقفل معاه باب بيتي وحياتي كلها.
بعد أسبوع
وصلني ورقة الطلاق.
وبعدها بدأت معركة جديدة
لما أحمد رفض يسيبلي العيال، وقال إن واحدة في شرفها، مينفعش تربي أولاده.
في يوم واحد
خسرت جوزي
وخسرت بيتي
وخسرت ولادي
وكل ده
بسبب شهادة زور.
يتبع
بقلم ندى الجمل
عدت الأيام
لكن كل يوم كان أصعب من اللي قبله.
رجعت بيت أبويا، وأنا حاسة إن روحي اتسابت في بيت ولادي.
كل ليلة كنت أنام وأنا سامعة صوت آدم وهو بيقولي
ماما متسيبنيش.
وصوت ليان وهي بتعيط وهي متعلقة في هدومي.
كنت أقوم من النوم مفزوعة، وأكتشف إن كل ده بقى ذكرى.
أكتر حاجة كانت وجعاني
إن أحمد ولا مرة كلمني.
ولا سأل نفسه سؤال واحد
لو ندى غلطت فعلًا ليه أنكرت بالطريقة دي؟ وليه كانت مستعدة تتهم نفسها بالكذب ولا ترمي على حد؟
لكن الشك كان أعمى.
أما في بيت العيلة
فكانت عبير عايشة وكأنها انتصرت.
كل ما تشوف حماتي تقول
الحمد لله إن ربنا كشف الحقيقة قبل ما تكبر.
وحماتي كانت ترد
الحمد لله.
أما منى
فمن يوم اللي حلفت فيه على المصحف
وهي مش هي.
بقت قليلة الكلام.
وشها أصفر.
مبتضحكش.
ولو حد كلمها، ترد بكلمتين وتسكت.
وفي كل مرة تشوفني وأنا جاية أشوف ولادي
كانت تنزل عينها في الأرض، ومتعرفش تبصلي.
وفي ليلة
صحيت من النوم وهي بتصرخ.
جوزها جري عليها وقال
مالك يا منى؟
فضلت تعيط وهي بتقول
شوفت المصحف شوفت نفسي وأنا بحلف عليه.
قال لها
ده مجرد حلم.
لكن الأحلام بقت تتكرر
كل ليلة.
وفي كل مرة كانت تصحى مفزوعة، وهي حاسة إن كلمة أقسم بالله العظيم لسه بتتردد في ودنها.
بدأت تخاف.
وبقت كل شوية تقول لعبير
إحنا غلطنا لازم نقول الحقيقة.
لكن عبير كانت
إوعي تتكلمي لو اعترفتي هتخربي بيوت الكل، وهيقولوا إننا كنا بنكدب.
منى قالت وهي بترتعش
بس أنا حلفت على كتاب ربنا.
ردت عبير بحدة
استغفري ربنا وخلاص وكل حاجة هتعدي.
لكن منى كانت حاسة
إن اللي عملته
مش هيعدي أبدًا.
البارت السابع
من يومها ومنى بقت إنسانة تانية.
لا بتخرج، ولا بتقعد مع حد، ولا حتى بقت تضحك زي الأول.
كل ما تشوفني وأنا جاية أشوف ولادي، كانت تستخبى أو تدخل وتقفل الباب.
كانت عينيها بتقول كل حاجة إلا الحقيقة.
أما عبير، فكانت كل يوم تطمن نفسها إن الموضوع انتهى.
كل ما منى تفتح معاها الكلام، كانت تقول
نسيتي؟ ندى اتطلقت خلاص، والموضوع خلص. على نفسك باب.
لكن منى كانت ترد وهي بتبكي
أنا مش عارفة أنام كل يوم بحس إني واقفة قدام ربنا.
عبير كانت تزعق فيها
بطلي أوهام وربنا غفور رحيم.
مرت الشهور
وفي يوم، منى كانت راجعة من عند أمها، وهي معدية الشارع، عربية مسرعة خبطتها.
الناس جريت عليها، والإسعاف نقلها المستشفى.
الخبر وصل بيت العيلة، وكلنا جرينا عليها.
الدكتور خرج بعد ساعات وقال
الحمد لله حالتها مستقرة، لكن محتاجة ترتاح وممنوع عنها أي ضغط نفسي.
رجعت منى البيت بعد كام يوم.
لكنها كانت إنسانة مختلفة تمامًا.
كانت كل شوية تقول لجوزها
أنا لازم أقول الحقيقة.
وجوزها كان مستغرب.
يسألها
حقيقة إيه؟
فتسكت.
وفي ليلة
صحيت وهي بتصرخ بأعلى صوتها.
العيلة كلها اتجمعت على صوتها.
لقوها قاعدة على ، بتعيط وبتقول
مش قادرة والله مش قادرة.
عبير جريت عليها، وحاولت .
لكن منى زقتها لأول مرة.
وقالت وهي بتبكي
كفاية أنا مش هستحمل أكتر من كده.
عبير همست لها
اسكتي
الناس كلها بره.
لكن منى ردت بصوت عالي
لأ النهارده لازم الكل يعرف.
وساعتها
كل اللي كانوا واقفين بره الأوضة
سمعوا الجملة دي.
واتجمدوا مكانهم
البارت الثامن
أول ما منى قالت
لأ النهارده لازم الكل يعرف.
سكت البيت كله.
حماتي دخلت الأوضة بسرعة، ووراها حميا، وأحمد، وإخوته، وحتى عبير كان وشها شاحب.
حميا قال بقلق
تعرف إيه يا بنتي؟
منى كانت بتبكي بطريقة عمرنا ما شفناها قبل كده.
قالت وهي بتنهج
أنا تعبت والله تعبت مش قادرة أشيل الذنب ده أكتر من كده.
عبير قربت منها بسرعة وقالت
منى إنتِ مش في وعيك، اسكتي.
لكن منى زعقت فيها لأول مرة وقالت
سيبيني كفاية ظلم.
بصتلها عبير بخوف، وحاولت تمسك إيدها، لكن منى سحبتها.
حميا قال بصوت حازم
قولي اللي عندك ومحدش .
أخذت منى نفسًا طويلًا، وقالت وهي بتبكي
أنا اتجمد الكل.
حماتي قالت وهي مش مستوعبة
بتقولي إيه؟
ردت منى
أنا كذبت وحلفت على المصحف وأنا بكذب.
حسيت إن البيت كله وقف.
أحمد بص لعبير، وعبير وشها اصفر.
منى كملت كلامها وهي بتبكي
الراجل عمره ما دخل شقة ندى.
حميا قال بصوت مهزوز
أمال كان عند مين؟
سكتت منى لحظة
وبعدين بصت لعبير مباشرة وقالت
كان خارج من شقة عبير.
في اللحظة دي
عبير صرخت وقالت
بتكدبي إنتِ تعبانه ومش عارفة بتقولي إيه.
لكن منى قالت وهي رافعة إيديها
لا أنا بقول الحقيقة اللي .
أنا وندى كنا واقفين قدام شقتي، وشوفنا الراجل وهو خارج من عبير.
ولما نزلنا السلم، حماتي كانت راجعة من السوق وشافته وهو خارج من العمارة.
ولما سألتنا كان خارج من عند مين إحنا سكتنا، لأننا مكنّاش عايزين عبير.
وبعدين بصت لعبير وهي بتعيط وقالت
لكن إنتِ قلبتي التهمة على ندى، وأنا وافقتك وشهدت زور وضيعت بيتها.
سكتت ثواني
وقالت الجملة اللي هزت البيت كله
ندى بريئة وأنا ظلمتها.
البارت التاسع
بعد ما منى قالت
ندى بريئة وأنا ظلمتها.
ساد صمت مرعب في البيت.
ولا حد كان قادر ينطق.
كل واحد كان بيبص للتاني، وكأنهم مستنيين حد يقول إن اللي سمعوه ده مش حقيقي.
أول واحد اتكلم كان حميا.
بص لعبير وقال بصوت مليان غضب
الكلام اللي قالته منى صحيح؟
عبير هزت راسها بعصبية وقالت
لأ هي بتخرف، من وقت وهي مش طبيعية.
منى صرخت من وسط
متكدبيش تاني كفاية لحد كده.
وبعدين بصت لحميا وقالت
لو أنا بكذب يبقى ليه استنيت كل الشهور دي؟ وليه نفسي وأقول إني شهدت زور؟
حماتي بدأت تبكي، وقالت وهي على صدرها
يا نهار إسود يعني ندى كانت بريئة؟
منى هزت راسها وهي بتعيط
والله كانت بريئة والله العظيم عمرها ما غلطت.
حميا قرب من عبير وقال لها
آخر مرة هسألك الراجل كان عندك؟
عبير اتلجلجت.
ولأول مرة
ملقتش كذبة تقولها.
حميا زعق بأعلى صوته
ردي.
انهارت عبير وقعدت على الأرض وهي بتبكي.
وقالت بصوت متقطع
أيوه كان عندي.
حماتي حطت إيديها على وشها وهي
يا خراب بيتك عملتي كل ده عشان تنجي نفسك؟
خفت لما ماما شافت الراجل، عرفت إن الموضوع هينكشف فقولت لو اتهمت ندى محدش هيشك فيا.
بص أحمد لعبير، ثم بص لمنى.
كان وشه كله ندم.
افتكر دموعي
وافتكر توسلاتي
وافتكر اليوم اللي وقفت قدامه أحلف إني بريئة وهو رفض يسمعني.
قعد على الكرسي وحط راسه بين إيديه.
وقال بصوت مكسور
أنا ظلمت مراتي
ولأول مرة
بكى أحمد قدام كل العيلة.
لكن دموعه
كانت متأخرة جدًا.
البارت العاشر والأخير
بعد اعتراف منى
البيت كله اتقلب.
أخو أحمد الكبير، جوز عبير، وقف قدامها وقال
يعني دمرتي بيت أخويا ورميتي واحدة شريفة في عرضها وكل ده عشان تغطي على نفسك؟
عبير فضلت تعيط وتحاول تبرر
أنا خفت والله خفت.
