مريم انهارت بالدموع.. بكت على أبوها اللي ملحقتش تودعه زي ما يستاهل، على السنين اللي ضاعت من عمرها وهي بتتحمل الإهانة عشان تحافظ على “بيت” مكنش غير مجرد وهم!
يوسف قعد جنبها ومسك إيدها:
— “جدو كان عارف إنك قوية يا ماما.”
الكلمة دي رجعت لها روحها من تاني!
الأستاذ عادل بلغ النيابة بالملف، وعملوا خطة متقنة. الشالية بتاع الساحل كان مسجل باسم شركة تبع عفاف، وكان عندهم شكوك إنهم مجمعين فيه العقود الأصلية والأختام اللي بيزوّروا بيها.. حازم كان متفق مع مشتري هناك عشان يبيع له أرض الساحل .
مريم أصرت تروح بنفسها. الأستاذ عادل حاول يقنعها تستنى في مكان أمان، بس هي رفضت:
— “أنا عشت سنين متفرجة على حياتي وهي بتتسرق.. المرة دي عايزة أشوف النهاية بنفسي.”
ليلة السبت، وتحت المطر، مريم طلعت مع الأستاذ عادل ورجل شرطة من النيابة على الساحل، ويوسف كان في أمان في القاهرة.
حازم حط العقد المزور على الترابيزة وقال بثقة:
— “المدام تعبانة شوية ومقدرتش تيجي، بس أدتني توكيل رسمي بالبيع.”
الظابط يسأله:
— “طب ينفع نتصل بيها نبتأكد؟”
حازم ضحك بشر:
— “أصلها بتعدي بظروف نفسية ومش مظبوطة اليومين دول، مش حابين نزعجها.. هي اصلاً داخلة مصحة نفسية كمان كام يوم.”
عفاف كملت التمثيلية:
— “أنا أمها وأقدر أأكد لك إنها مش في كامل قواها العقلية ومش وش مسئولية.”
حازم طلع تقرير دكتور المستشفى الخاص وطلب إيداعها المزور اللي عليه توقيع مريم!
**اللحمة كانت كملت للجري\مة المتلبسة!**
الباب اتفتح وفجأة دخلت قوة من الشرطة! حازم اتخشب مكانه وعفاف الكاس وقع من إيدها اتكسر.
— “إيه الجنان ده؟! إنتو مين؟!” عفاف صرخت.
مريم طلعت من ورا أفراد الشرطة وبصت لهم بثبات:
— “مساء الخير.. شكل سفريتك لطنطا اتكنسلت يا حازم؟”
حازم وشه بيضّ وزي الميت، حاول يتكلم:
— “مريم! ده سوء فهم.. أنا وأمك كنا بنحمي حقوقك بس!”
الأستاذ عادل حط على الترابيزة صور التحويلات، تقرير خبير التزوير، التسجيلات الصوتية، وجوابات الأستاذ مصطفى:
— “تم التحفظ على الأوراق دي للتحقيق في قضايا تزوير، ونصب، واحتيال، وابتزاز.”
عفاف بصت لبنتها بغل وصرخت:
— “أنتي متفهميش حاجة! أنا عملت كل ده عشان أنتي غبية وخايبة! من غيري كنتي ضيعتي التركة كلها!”
مريم بصت لها بهدوء قاتل هز الكيان:
— “الشخص الوحيد اللي كنت محتاجة أتحمى منه.. كان أنتي يا أمي.”
الظابط شغل التسجيل الصوتي بتاع بيت التجمع.. صوت عفاف ملا الأوضة وهي بتقول: *”البت دي طول عمرها هبلة ومغفلة”*.. وبعدها صوت حازم وهو بيشرح إزاي هيدخلها المستشفى ويرمي يوسف في مدرسة داخلي!
السمسار رجع لورا بذهول وقرف، وحازم أدرك إن اللعبة انتهت.
— “أنتي سجلتي لنا؟! ده غير قانوني!”
الأستاذ عادل رد بثبات:
— “النيابة هي اللي بتمشي الأدلة، والتزوير وحسابات البنوك قدام القاضي دلوقتي.”
حازم حاول يجري على الدفاية عشان بس أفراد الشرطة مسكوه وكتفوه.. وهو بيتبصم بالكلبشات بدأ يشتم في مريم
