أما فريدة…
رجعت خطوة لورا.
ولأول مرة، الخوف الحقيقي ظهر في عينيها.
قالت بصوت متقطع:
ـ مستحيل…
ليلى فتحت جيب ملابس السجن، وطلعت بطاقة تحقيق رسمية كانت مخفية بعناية.
وقالت بهدوء:
ـ كنت مستنية توصلي بنفسك.
لأن أكبر غلطة عملتيها…
إنك افتكرتي إن كل الناس بتخاف منك.
الضباط بدأوا يفتشوا العنبر.
وخلال دقائق، لقوا موبايلات ممنوعة، وس\لاحًا أبيض، ودفاتر فيها حسابات بمبالغ ضخمة.
وكل الأدلة كانت بتوصل لشخص واحد.
فريدة.
صرخت وهي بتحاول تهرب.
لكن الضباط مسكوها.
وهي بتتبعد، كانت بتبص لليلى بكره ما اتشافش قبل كده.
وقالت وهي بتصرخ:
ـ الموضوع لسه ما خلصش… هرجعلك!
ليلى بصتلها بثبات، وقالت:
ـ لو رجعتي… هتلاقيني مستنياكي.
واتقفلت زنزانة التأديب على فريدة للمرة الأخيرة…
لكن ليلى كانت عارفة إن الق\ضية دي أكبر بكتير من مجرد سجينة متسلطة.
كان فيه اسم أخطر… لسه ما ظهرش.
واسمه، بمجرد ما يتقال، كان بيخلي حتى الضباط يراجعوا حساباتهم.
حكايات شروق خالد
بعد يومين، اتنقلت فريدة لسجن شديد الحراسة، لكن التحقيقات ما وقفتش.
ليلى فضلت في السجن بأمر من النيابة.
مش كسجينة…
لكن علشان تكمل آخر جزء من المهمة.
لأن الأدلة اللي اتجمعت كشفت إن فريدة ما كانتش الرأس الكبيرة.
كانت مجرد حلقة.
أما اللي بيدير كل حاجة…
فكان حد محدش يتوقعه.
—
في مكتب المأمور، كان الضباط قاعدين قدام خريطة كبيرة للسجن.
ليلى كانت واقفة قدامهم.
قال أحد الضباط:
ـ كل الاعترافات بتقول إن فيه شخص اسمه “الحاج”… لكن محدش شافه.
ردت ليلى:
ـ لأنه مش بيظهر بنفسه.
ـ يعني؟
ـ يعني فيه حد بينقل أوامره من جوه السجن.
سكتت لحظة، وبعدين قالت:
ـ والخاين… مش سجينة.
الضابط رفع حاجبه.
ـ تقصدي إيه؟
ليلى بصت في عينيه وقالت:
ـ فيه موظف هنا… هو اللي بيدخل الممنوعات، وهو اللي بيطلع الرسائل.
المكتب كله سكت.
الكلام كان خطير.
ولو صح…
يبقى الخطر جوه السجن أكبر بكتير.
—
في نفس الليلة…
كان عامل النظافة بيلم الأكياس من العنبر.
عدّى جنب ليلى وهمس بسرعة من غير ما يبصلها:
ـ خلي بالك… بيراقبوكي.
وبعدين كمل شغله كأن مفيش حاجة حصلت.
ليلى استغربت.
لكنها ما ردتش.
بعد نص ساعة، وهي راجعة زنزانتها، لقت تحت البطانية ورقة صغيرة.
مكتوب فيها:
“لو عايزة تعرفي مين الحاج… روحي للمخزن القديم الساعة اتنين بعد نص الليل… لوحدك.”
بصت للخط.
مش معروف.
ومفيش توقيع.
كانت عارفة إن ممكن يكون فخ.
لكن لو تجاهلت الرسالة…
يمكن تضيع فرصة الوصول للرأس المدبر.
—
الساعة اتنين إلا ربع.
السجن كله كان هادي.
ليلى خرجت بخطوات محسوبة.
وصلت للمخزن القديم.
الباب كان موارب.
أول ما دخلت…
سمعت صوت بيقول:
ـ كنت عارف إنك هتيجي.
لفت بسرعة.
لكن قبل ما تشوف المتكلم…
الباب اتقفل بقوة من وراها.
واتسمع صوت قفل حديد.
النور انطفى.
وبقى المكان غارق في الضلمة.
وفجأة…
اتسمع صوت تاني من آخر المخزن.
صوت راجل كبير في السن، هادي بشكل يخوف.
ـ الضابطة الشاطرة…
أخيرًا بقينا لوحدنا.
ليلى ثبتت مكانها، وحطت إيدها في وضع استعداد.
وقالت بثبات:
ـ إنت الحاج؟
ضحك الرجل ضحكة قصيرة.
وقال:
ـ لا…
أنا مجرد اللي بيشتغل عنده.
أما الحاج الحقيقي…
فإنتِ بتشوفيه كل يوم.
الكلمات دي خلت قلب ليلى يدق بسرعة.
لأن معناها إن الشخص اللي بتدور عليه…
موجود داخل إدارة السجن نفسها، وبيتحرك قدام الجميع من غير أي شك.
وفي اللحظة دي…
اشتغل النور فجأة.
لكن المكان كان فاضي.
والرجل اختفى…
وساب على الأرض ملفًا أحمر مكتوبًا عليه بخط كبير:
“افتحيه… لو مستعدة تعرفي الحقيقة.”
حكايات شروق خالد
ليلى ما نطقتش ولا كلمة بعد المكالمة.
بصت للرقم…
كان “رقم مجهول”.
لكن فريق التقنية قدر يحدد حاجة غريبة.
المكالمة خرجت من داخل السجن نفسه.
رغم إن كل الهواتف كانت متصادرة.
قال أحد الضباط بدهشة:
ـ مستحيل… مفيش أي جهاز شغال هنا.
ردت ليلى وهي بتبص حوالين المكان:
ـ يبقى فيه حد لسه بيساعدهم… ولسه ما انكشفش.
—
بدأوا يراجعوا تسجيلات كاميرات المراقبة من وقت انقطاع الكهرباء.
وفي الأول، مفيش حاجة كانت واضحة.
لكن ليلى لاحظت تفصيلة صغيرة.
واحد من أفراد الأمن كان خارج من غرفة التحقيق قبل انقطاع النور بثواني.
ولما النور رجع…
كان أول واحد دخل.
اسمه كان الرقيب سامح.
استدعوه فورًا.
دخل وهو متوتر.
قال:
ـ والله يا فندم… أنا ماليش دعوة.
ليلى ما ردتش.
حطت قدامه صورة من الكاميرا.
وقالـت:
ـ تفسر وجودك هنا إزاي؟
بلع ريقه.
ـ كنت رايح أجيب ملفات.
ـ والملفات فين؟
اتلعثم.
وما عرفش يرد.
في اللحظة دي، الضابط أمر بتفتيشه.
وأثناء التفتيش…
