سنة ١٩٨٠ تقريبًا أو قبلها بفترة بسيطة وبالأخص في محافظة الأسكندرية كانت فيه بنت شابة بتعيش في المحافظة اسمها (عزيزة) وكان عندها في ده ١٧ سنة، وزي أي بنت يتقدم لعزيزة شاب اسمه (سعيد) ويوافق أهل عزيزة بالشاب ده وتتجوزه في النهاية، أمر عادي وتقليدي وبيحصل كل يوم تقريبًا، لكن المختلف شوية إن سعيد كان عصبي جدًا وكانت مشاكله مبتخلصش تقريبًا مع عزيزة..
كل ده كان بيعدي والحياة بتمشي نوعًا ما، بس اللي كان أغرب من المشاكل هو إن عزيزة محملتش خلال ٣ سنين كاملين زواج، رغم إنها استنت اليوم ده بفارغ الصبر، وفي النهاية تقرر عزيزة إنها تروح تعمل فحص عشان تشوف موضوع الخِلفة ده وليه أتأخر أوي كدا..
وكانت عزيزة مع أول مفاجأة في حياتها لما اكتشفت إنها مبتخلفش واستحالة إنها تخلف بسبب معاملته السيئة لها وبدأ يعايرها هو إنها مبتخلفش ولا ينفع تخلف، كلام قاسي قادر إنه ، عشان في النهاية عزيزة متتحملش الوضع ده ولا جوزها كمان وينفصلوا عن بعض وترجع عزيزة أهلها.. وبعد فترة بسيطة تراودها يوم بعد يوم لحد ما قررت إنها تثبت للناس كلهم إنها بتخلف ..
وتعدي الأيام والشهور لحد ما توصل عزيزة للشهر التاسع وبالأخص في نص الشهر التاسع، وعلى الساعة ١٠ بالليل تبدأ عزيزة ولما الناس يتجمعوا يتقال لهم إن عزيزة بتولد، وبالفِعل تيجي (الداية) اللي كانت منهم مبلغ عشان تكمل التمثلية الهزلية دي (والداية ده مصطلح كان بيُطلق على الست المسؤولة عن الولادة).. وانتهى الموقف واتبقت مشكلة رئيسية، فين الطفل بقا، وهنا تتحرك عزيزة فورًا ناحية مستشفى (الشاطبي) في إسكندرية الساعة ١٢ بالليل، وكانت وقتها المستشفى بإمكانيات بسيطة جدًا وسهل أي حد يدخل ويخرج، المستشفى لحد ما وصلت لغرفة فيها سيدة والدة من ساعات..
خدت منها الطفل بحِجة إنها هتعمله تحاليل وهربت بالطفل من المكان كله، وتاني يوم الصبح كانت قدام الناس معاها طفل، وبقت أم خلاص، بس بعد ٣ سنين يبدأ كلام الناس تاني حولين عزيزة، مش ناوية تخاوي ابنك وتخلفي مرة تانية ولا أنتي بتخلفي مرة واحدة بس..
وبدل ما تسكت ، لا إنها تعمل نفس السيناريو مرة تانية وبنفس التفاصيل، ماهو طالما نجح مرة يبقا هينجح كل مرة، وتحط عزيزة الهدوم في ملابسها وتبان إنها لحد الشهر التاسع، بس المرة دي السيناريو هيختلف شوية، عزيزة مخدتش طفل من المستشفى المرة دي، بل نزلت تلف في الأسواق لحد ما عثرت على .. واحدة ست شايلة طفل صغير خالص، دخلت عليها عزيزة على إنها واحدة شغالة في الشؤون الإجتماعية وبتقدر تصرف مبالغ ومساعدات للأمهات، وقدرت إنها تقنع الست وتعرف تفاصيل كتير عن حياتها، والأهم عرفت مواعيد خروج جوزها للشغل..
وبعد أيام تتحرك عزيزة بشوية فلوس وسلع غذائية لبيت الست وتقولها إن الجمعية صرفتلك الحاجات دي بس عشان نخصص ليكي الحاجات دي بصورة شهرية لازم تيجي تسجلي بنفسك في الجمعية، وتاخد منها الطفل على أساس إنها هتدخل تغير
