أبوها بعصبيه: “أحمد أحمد ده إبن مراتي إلي ربتك.. مش أبن أمك الله يرحمها!”
هي بتصميم بس.
أبوها ببرود: “محصلش.. أنت إلي مش عاوزه تتجوزيه.. أنت إلي قلبك مش شايفه غير أخ أو صديق يا أيلول.”
أيلول بعياط: “يا بابا.. بدام أنت عارف إني مش بحبه و بحارب الجوازه دي.. عاوزني أبقى مراته ليه؟ عاوز تعيشني تعيسه مع راجل أجش و غليظ و قاسي زي أحمد!”
باباها بتنهيده: “أنا خلاص حاسس إن أيامي في الدنيا قليله.. و أحمد ده تربية مراتي عزيزه.. و أحمد معاه فلوس و عنده شغل كويس.. ف ليه يا حبيبتي رفضاه؟”
أيلول و هي بتعيط: “يا بابا مش بحبه.. ده قاسي أوي و طريقة كلامه همجية و مش محترم.. ده كفايه نظراته ليا و إلي مش برضى أنا أحكي لحضرتك عنها!”
باباها بصرامه: “أنا قولت كلمه و مش هتنيها يا أيلول.. الفرح الشهر إلي جاي.. و ده آخر كلام عندي!”
أيلول بحسره: “بس يا بابا..”
قاطعها بجمود و زعيق: “مبسش يا بنت! يلا بره.. بره!”
طلعت بره و قفلت الباب لقت مرات أبوها واقفه في وشها.
أيلول مسحت دموعها و جت تعدي وقفت قدامها ف قالت مرات أبوها بغيظ: “ماله إبني يا بنت سلمى؟ ماله ها؟”
أيلول ببرود: “مش راجل.. و بصباص.. و نظراته نظرات مش بني آدم طبيعي سوي.. و ضعيف الشخصيه.. و قاسي.. و ميعرفش يعني إيه حب.. و قلبه ده عمره ما دق!! عرفتي ماله؟”
مرات أبوها من كتر الغيظ مسكتها من شعرها ف صرخت أيلول ف كتمت مرات أبوها بوقها و قالت بغيظ: “إخرسي يا بت خالص! ده إبني.. إلي بتتكلمي عنه ده إبني! فتأدبي و تحترمي نفسك.. أبوكي المشلول ده يومين و هتلاقيه بيودع.. فتأدبي يا أيلول معايا.. و إبني ده هيبقى جوزك!”
قربت منها و همست في ودنها و قالت: “و أبو عيالك.”
هنا أيلول انفجرت من بجاحتها و كلامها و عضت إيدها ف صرخت عزيزه مرات أبوها و جريت أيلول على الأوضه و هي بتضحك!
الصبح في المستشفى إلي أيلول دكتوره فيها.
أيلول بحزن: “مش عارفه أعمل إيه يا علا..”
علا و هي بتشرب الشاي بصوت رهيب: “هقولك.. أنت إتخطبي و متهنيهوش خالص و زهقيه.. لحد ما يطفش منك و هو إلي يقول حقي برقبتي.. خصوصا إنك بتقولي إنه بتاع نسوان.. و أنت هتبقي عنيده معاه ف مش هيطيقك.. فهيفلسع.”
أيلول بتفكير: “تفتكري؟”
علا و هي بتشفط الشاي: “أفتكر و نص.. ده أنا أفكاري دي يا بنتي.. بتنجح بنسبة 99 في الميه.”
أيلول: “عارفه يا علا.. هتنجح بنسبة 100 في الميه لو بطلتي شرب شاي بالطريقه المقرفه دي!”
بصت لها علا بغيظ بعدين قامت أيلول تشوف شغلها.. إلي بتعشقه حرفيا و بتحط طاقتها و شغفها في علاج البني آدمين.. و خصوصا إنها في قسم الطواريء.. بتنقذ ناس من الموت و الحروق و كل شيء.
بليل في بيت أيلول.
أحمد بخبث: “بابا فاروق ممكن أخد أيلول خطيبتي و ننزل شويه؟”
بصت له أيلول بغيظ و سابت المعلقه من إيدها ف قالت عزيزه بإبتسامه خبيثه: “إيه رأيك يا فاروق يا حبيبي؟”
فاروق بتنهيده: “و الله فكره حلوه.. عشان أيلول تاخد على أحمد و يتكلموا بعيدا عن البيت.. بس في مكان عام يا أحمد و مشهور و أبقى عارف أنتم فين.. تمام.”
أيلول ضغطت على شفتها بغيظ ف قال أحمد بمكر و هو بيطقطق رقبته: “أكيد يا بابا فاروق.”
في عربية أحمد.
أحمد و هو بيبص لها في المرايه: “قاعده في الكنبه ورا؟ ليه سواقك أنا؟”
أيلول نفخت بضيق و نزلت قعدت جمبه بس لزقت في الشباك لإنها خايفة منه..
لحد ما وصلوا لمكان مقطوع و فيه أشجار كتير.
أيلول بخوف: “هو ده المكان المشهور؟ هو ده إلي بابا قال عليه؟”
أحمد و هو بيقفل العربيه: “إلتفت ليها و قال: حابب نتكلم في مكان هادي زي ده.”
أيلول بخوف: “طيب إفتح العربيه.”
أحمد و هو بيقلع الچاكيت بتاعه: “ليه؟ ما كده حلو.”
أيلول بعصبيه و هي مرعوبه من جواها: “كلام إيه إلي هيتقال في مكان زي ده يا أحمد؟”
أحمد بخبث: “أحلى كلام يا قلب أحمد.”
و بدون سابق إنذار مسك إيدها و قرب عليها و أيلول بتصوت و بتحاول تبعد و تزقه.. مش قادره.. لحد ما قطع أكمام الشيميز بتاعها ف صرخت أكتر و عضته في كتفه ف رجع لورا بألم و هي فتحت العربيه و خرجت منها و فضلت تجري و هي بتعيط.. و هو بيجري وراها لحد ما إتكعبلت في الضلمه وسط الشجر ف وقعت على الأرض قدامه..
أحمد بضحك: “ده كده قمر أوي.”
فضلت أيلول تعيط و هو بيقرب عليها و بيسحبها من رجلها.
أيلول مكنتش شايفه ده مين الشخص ده.. بس كان طويل و عريض.. رمى أحمد و هو بيقول بصوت قاسي مليان خشونة: “لما تتهجم على بنت.. تبقى مش إنسان!”
مع صاحب عمري.. أشرف! بس.. بس يا غريب يا حضرة الظابط، القانون علمك إن المتهم بريء حتى تثبت إدانته.. و أنت بس بتحلم بخيانتهم ليك! ليس إلا! يعني بيبقى مجرد كابوس.. بس الفكره إن الكابوس ده بيربط أحداث واقعيه.. بس أنت بيتهيألك.. ده كابوس و لازم تثق في مراتك حب عمرك و صاحب عمرك أكتر من كده..
أخد نفس عميق و طلع من الأوضه براحه و من غير صوت.. مش بيحب يزعج مراته أو عياله أو الناس إلي بتساعدهم في البيت.. و كونه ظابط.. ف خطوته أقل صوت من خطوة النمله!!
