دخلت عليه وحطيت علبة الدهب الفاضية قدامه على الترابيزة، وفتحت الموبايل وورّيته كشف حساب البنك والتحويلات اللي بتتسحب مني وأنا نايمة. قولتله بصوت بيترعش من القهر: “فين دهبي يا منير؟ وفين الفلوس اللي مسحوبة من حسابي ورايحة لسمية؟ أنا وافقت إنك تتجوز عشان بيتي وبنتي ميتخربوش، مش عشان تسرقني وتصرف شقايا على واحدة تانية!”.بدل ما يتكسف أو يوطي وشه في الأرض، لقيته بيبرقلي وبيرد بكل جبروت وبرود ملوش مثيل.
قالي: “إنتي إيه حكايتك؟ إيه الطمع والغل اللي مالي قلبك ده؟! مش قادرة تصبري عليا وتستحملي ظروفي؟! إنتي مش شايفة المصاريف اللي عليا والزنقة اللي أنا فيها عشان أفتح بيتين؟!”.بصيتله بذهول وقولتله: “أصبر عليك في سرقة دهبي وفلوسي عشان تجهزها بيهم؟! دي فلوسي وشقايا!”.رد عليا بمنتهى القسوة وعينيه مفيهاش ذرة ندم: “ماهي عروسة ومن حقها تفرح زي أي بنت، إنتي اتجوزتي ولبستي وفرحتي خلاص، إنما هي لسه بتبدأ حياتها معايا، المفروض تكوني أحن من كده وتساعديني بدل ما عينك في كل قرش وكل حتة دهب باخدهم!
مش كفاية مستحملك إنتي وزن بنتك اللي مش مخليني عارف أتنفس؟!”.الكلمات نزلت عليا زي الكرباج، حسيت إن الأرض بتلف بيا من هول الفجر اللي هو فيه. الراجل اللي كنت بطبطب عليه وأمسح دموعه زمان، بقى شايف إني طماعة عشان بطالب بحقي، وشايف إن حبيبته اللي رمته زمان من حقها تفرح بشقايا أنا، وإني أنا وبنتي بقينا مجرد حمل تقيل وعالة على سيادته.
فضلت باصة له ومصدومة، الكلمات كانت بتخنقني والدموع متحجرة في عيني من كتر القهر. في اللحظة دي بالذات، حسيت بصفعة فوقتني من غيبوبة الطيبة والسذاجة اللي عشت فيها سنين. بصيت للراجل اللي قدامي وملقتش فيه أي أثر للإنسان اللي حبيته ووقفت جنبه وواسيته في ضعفه وعياطه. لف ضهره وسابني ودخل الأوضة بكل برود، ولقيته لابس ومتشيك وراشِش من أغلى برفان عنده، وخارج وهو ماسك الموبايل في إيده وبيضحك في الرسايل.
قبل ما يقفل الباب وراه بصلي بقرف وقالي: “أنا خارج عند سمية عشان نختار قاعة الفرح، بطلي نكد بقى ولمي الدور وبلاش جو المظلومية ده، الفلوس والدهب هيرجعولك لما الأمور تظبط.. متعمليش حكاية من مفيش”.قفل الباب وراه ومشى، والصوت كان عامل زي رصاصة أنهت آخر ذرة مشاعر أو تعاطف كانت باقية جوايا ناحيته.
بصيت لبنتي الصغيرة اللي كانت بتعيط في سر,,ـــــيرها، شيلتها وضمتها لصدـ,,ـــري جامد. مسحت دموعي بإيدي التانية وقولت في سري: “لحد هنا وخلاص.. الطيبة والضعف انتهوا”. مكنش ينفع أستنى لما يرجع يرمينا في الشارع هو والهانم بتاعته بعد ما يمص كل قرش ورايا. دخلت الأوضة، طلعت شنطة هدومي، وبدأت ألم حاجتي وحاجة بنتي بهدوء تام. مسبتش ورايا أي ورقة رسمية؛
شهادة ميلاد البنت، قسيمة الجواز، وكشوفات الحساب البنكي اللي بتثبت التحويلات اللي اتسحبت من ورايا، وفواتير الدهب القديمة اللي تثبت ملكيتي ليه، كل حاجة حطيتها في شنطتي. شيلت بنتي والشنطة ونزلت قفلت باب الشقة من برا بالمفتاح، وأنا مقررة إن اللي خسرته من طيبتي مش هسيبه يضيع بضعفي، وإن المواجهة الجاية مش هتكون بالعياط ولا الرجاء.. المواجهة الجاية هتكون بالقانون والحق اللي ميعرفش رحمة. ورد فعله لما يعرف انى خلاص جبت اخرى ورفعت عليه طلاق نزلت على بيت أهلي، وأول ما الباب اتفتح وشافوني بالشنطة والدموع في عيني، ابويا اتخض وأمي خدت البنت من حــ,,ـــــضني. حكيتلهم كل حاجة من أول دموعه عليها لحد سرقة الدهب والفلوس وصوره اللي مالية النت. أبويا وشه اتغير وبان عليه الغضب، قالي بكلمة واحدة: “حقك وحق بنتك مش هيضيع منه مليم، والراجل اللي يمد إيده على مال مراته ويجحد فضلها ميتأمنش عليه لا عرض ولا بيت”.
تاني يوم الصبح من النجمة، كنت عند محامي شاطر ومعايا كل الأدلة: كشوفات الحسابات والتحويلات اللي بالدقيقة والثانية لحساب سمية، وفواتير الدهب المسروق بصورها، وشهادات إثبات الدخل لمشروعه اللي كبر وخيره عمّ على غيري. في نفس اليوم اترفعت ضده قضايا تبديد، وتمكين من مسكن الزوجية بحكم إني حاضنة، ودعوى رد مبالغ مسروقة ونفقة محترمة للبنت تكسر ضهره.
غيرت باسوردات حساباتي البنكية، وقفلت كل كارت كان معاه، ولغيت البصمة تماماً من على جهازي. بعد يومين اتنين، بدأ التليفون يرن وما بيبطلش. منير كان بيكلمني وهو مرعوب، التحويلات وقفت، والفيزا بتاعته اتجمدت بعد ما اتسحبت منها مبالغ لتسديد الديون، والإنذارات بالقضايا نزلت على عنوان بيته وعنوان مشروعه زي الصاعقة.
الهانم سمية أول ما حست إن الفلوس وقفت وإن داخل على حوارات محاكم ومشاكل، بدأت وِشها الحقيقي يبان، ومطالبها مبتخلصش، والشبكة اللي كانت فرحانة بيها بقت مهددة إنها تتحرز أو يدفع تمنها من لحمه الحي. فتح عليا في مكالمة وصوته مليان غل ممزوج بذل: “إنتي بتعملي فيا كده ليه؟! عايزة تخربي بيتي وتفضحيني قدام الناس وعيلتي وعيلة عروستي؟! اتقي الله ده أنا أبو بنتك!
“.رديت عليه ببرود مكنتش متخيلة إنه عندي، قولتله: “أنا مكنتش بخرب بيتك، إنت اللي خربته لما سرقتني ورخصتني.. اللي اتدلع بشقايا يدفع تمنه، وسمية اللي كنت بتعيطلي عليها خليها تنفعك وتدفعلك للمحاكم، دهبي وفلوسي وحق بنتي هيرجعوا بالقانون مليم مليم.. وخلي العروسة تفرح بالراجل اللي على الحديدة”.قفلت السكة في وشه وعملتله بلوك، لأول مرة من سنين أتنفس وأحس إني مش مكسورة، وإن الضعيفة اللي كانت بتطبطب عليه ماتت، وطلعت مكانها واحدة تانية خالص هتاخد حقها تالت ومتلت.
الأيام اللي بعدها كانت عبارة عن كابوس بيلف حوالين رقبته لوحده. الإنذارات القضائية وصلت لشغله وشركائه، والمحامي بتاعي حاصر كل مليم يملكه بحجوزات قانونية عشان النفقة والتبديد والسرقة المثبتة بالتحويلات البنكية. منير مبقاش ملاحق، مشروعه اللي افتكر إنه كبر بيه بدأ يتهز بسبب القضايا وسمعته اللي بقت في الأرض قدام الموردين والعملاء، والفلوس اللي كان بيغرق بيها حبيبته فجأة نشفت تماماً. وهنا بقى ظهر المعدن الحقيقي للحب القديم؛
