اسكريبت رائع بقلم الكاتبه أيه حمام
تعالى يا حبيبي
معلش معرفش إن عندك ضيوف
لا دي مش ضيوف دي آية جارتنا وزي بنتي بالظبط
طب أنا هروح بقا يا طنط
لاء والله ما تمشي زي ما استلمتك من آدم هو كمان يستلمك مني
معلش علشان ترتاحوا
خليك مع ماما لإن كلها كام ساعة وهنزل تاني ونسوا بعض
طب هخرج أرد على الموبايل
خرجت رديت على آدم وطمنته عليا كنت مكسوفة أدخل تاني أصلا أستاذ غيث دا موترني شوية ولقيته خرج ووراه مامته
دخلت معايا وبعدها دخلت له وجت لي تاني فضلنا سوا لحد رجوع آدم
الحمد لله على سلامتك يا ابني
الله يسلم حضرتك معلش لو أزعجناك بقا
إخص عليك أنتم زي ابني وشكلكم مصروف عليكم أدب وأخلاق ربنا يبارك فيكم
تسلمي
أختك بتحبك أوي باين إنك غالي عندها أوي
لو أنا غالي عندها ف أنا مليش غيرها ولا أغلى منها
طب ليا رجاء عندك بقا
إتفضلي
إبقا خليها تيجي تقعد معايا وأنت في الشغل ومش تخاف عليها دي في عيني وبعدين إتطمن أنا ست عارفة ربنا علشان لو مش واثق فيا يعني
العفو متقوليش كدا
طب ها
حاضر طالما هي هتكون مبسوطة أنا هوافق
الله يكرمك يا ابني ويرضى عنك
اللهم
آمين
يلا أدخلوا بقا علشان البرد تصبحوا على خير
إيه الست دي
مش قولت لك
دي أكيد كانت بترضع طيبة وحنية مش لبن لاء
بتفكرني ب ماما الله يرحمها
الله يرحمها
بلاش نكد علشان مرمكيش على باب معهد
اسمه معبد بعدين أنا بنكد عليك أنا
نعم
دا أنا لو فاتح محل مناديل وأنت زبونتي كان زماني أغنى أغنياء البلد
مش هرد عليك
قل لي بقا جايب أكل إيه
جايب لك شاورما
أعسل حد على الكوكب والله
فات حوالي أسبوع كنت أوقات بروح عند طنط نجاة وأوقات بقعد في البيت أقرأ شوية
تعرف إني بحب يوم الجمعة أوي
إشمعنا
علشان بتقضيه كله معايا وكمان أنت
ال بتطبخ يبقى مش هحبه ليه بقا
تيجي نخرج باليل
بجد
آهه والله
هنروح فين
أي مكان حتى لو هنتمشى على البحر وأجيب لك درة
قلبي راضي عنك دنيا وآخرة يا ابن ناهد والله
طب وسعي لما أشوف مين ال على الباب ومتخرجيش لو مندهتش ليك
حاضر يا سي آدم
أؤمر يا معلم
الأمر لله والله مش عارف أقولها لك إزاي بس الست الوالدة باعتة لكم طبق المحشي دا
محشي
أنا إستغربت زيك كدا برضة أنا أعرف إن الناس تهادي بعض بطبق بسبوسة طبق رز بلبن طبق كيك يا أخي طبق رز معمر إنما محشي حاسسها جديدة
هو دا محشي إيه
ورق عنب وبتنجان
وواقف تتكلم معايا وسايبه كدا
نعم
يا عم هو فيه أجمد من ورق العنب والبتنجان
لا حول ولا قوة إلا بالله
المهم أكيد أنت ابن طنط نجاة صح
بالظبط اسمي غيث
أول مرة أشوفك أنت كنت مسافر ولا إيه
لا بس شغال في مستشفى وعلى حسب الحالات بقا أوقات باجي باليل متأخر أو أطبق هناك
ربنا يعينك يارب
يارب
المهم الطبق أهو ياريت تبقوا أنتم أحسن مننا بقا والمدام ترجعه فيه كنافة بالمانجا أو شوية جلاش حتى
طب أولا إتنيل ثانيا مدام مين
معرفش هي ماما قالت لي إن ال ساكنين واحد اسمه آدم وواحدة اسمها آية تقريبا هو أنا إتلخبطت في العنوان ولا إيه
لاء هو بس دي أختي مش مراتي
معلش والله مكنتش أعرف
ولا يهمك المهم إعتبروا إن الطبق دا إتكسر
ليه
يا عم شوية بتنجان ما عرفتش تقورهم وراحت لمامتك تساعدها فيهم دي بتقشر البطاطس بالعافية تقوم تقول لي عايزها تملى الطبق حلو
خلاص خلاص صعبتوا عليا هخلي نجاة تغديكم خميس وجمعة وباقي الأسبوع روحوا مائدة الرحمن بقا
تشكر يا عم
كنت فين كل دا يا آدم
طنط نجاة كانت باعتة طبق محشي
طب والله عسل أوي مخليتهاش تدخل ليه طيب
مش هي ال جت أصلا ابنها ال جابه
آه طب إستنى أعمل لك طبق سلطة جنبه
على ما تعمليه وتخرجي أكون أنا أكلته أصلا
هزعلك
عملت له السلطة وأكلنا سوا وبليل نزلنا نلف شوية من وقت ما جينا هنا وأنا مش بنزل خالص شهر محپوسة في البيت وكمان مكنتش باجي إسكندرية قبل
كدا كتير ف كنت مشتاقة جدا أنزل أشوفها وأتمشى في شوارعها وعلى البحر
قضينا سوا وقت جميل أوي رجعنا متأخر يادوب صلينا القيام ونمنا شوية علشان نلحق تقوم للفجر
الوقت بيعدي وأنا بتأقلم على المكان هنا وبحبه وبدأت أتعلق بطنط نجاة حسيت فيها أمي ال وحشتني أوي حتى آدم إتصاحب على غيث ابنها وبقوا قريبين من بعض ودا شيء مفرحني
آية
عايز أقول لك حاجة
معاك يا حبيبي
طنط نجاة كلمتني من كام يوم كدا في حاجة
حاجة إيه
متقلقنيش إتكلم
طالبة إيدك ل غيث ابنها
رأيك إيه
إيه دا لا طبعا مش موافقة أنت ناسي إن هو دكتور وأنا خريجة تربية
يعني إيه إن شاء الله هو إحنا فينا من العبط
دا
المفروض حتى إنك متعلمة بقيتي دلوقت تبع جماعة الدكتور ميتجوزش غير دكتورة أو مهندسة
يا ابني إفهم أنا مش هدخل علاقة يا آدم مع أول مشكلة ييجي حد يعايرني بمستوايا إقفل الحوار بقا أنا داخلة أنام
أقفي هنا يا بت هو مين دا ال يعايرك ويعايرك ب إيه أنت واقعة على دماغك أقول لك أنا آهه مكنتش عاوزك تتجوزي وتبعدي عني بس بعد طريقة تفكيرك دي أنا موافق
يعني هتجوزني بالعافية
آهه وهرن عليهم أقول لهم ييجوا بكرة ويجيبوا جاتوه ڤانيليا مش شوكولاتا علشان متدوقيهوش ووسعي بقا أنا ال داخل أنام
إيه دا إيه دا بجد هو العبث دا بجد ناس مين ال ييجوا بكرة ماشي يا ابن ناهد
دخلت أوضتي وقعدت على السرير أنا مش هكذب وأقول إني مش منجذبة ل غيث بس خاېفة من
الخطوة دي أنا من بعد ۏفاة بابا وماما ومش عايشة غير مع أخويا كنت فاكرة إن هنفضل سوا دايما لكن من وقت ظهور غيث وهو فيه حاجة جوايا بتروح له بس أنا برضة خاېفة
يلا يا عروسة عريسك عايز يشوفك
أنت مبتحبنيش يلا وأنا مش راضية عليك أصلا
يمشوا الناس ال برا ونشوف الحوار دا
حسبي الله
أهلا أهلا بحبيبتي
إيه القمر دا
شكرا يا طنط دي عيونك
طب تعالى يا آدم أقول لك حاجة برا ونسيبهم شوية
إزيك
الحمدلله وأنت
الحمدلله
اسمك إيه
