اسكريبت رائع بقلم الكاتبه أيه حمام

نعم هو أخوك عمل فيك إيه

معلش أصل أنا متوترة

طب هو حضرتك علاقتك كويسة مع ربنا

الحمدلله بصلي الفروض في المسجد وحافظ

القرآن وكل فترة بتعلم جزء علم شرعي

يلهوي عليا يعني إمتياز من كل النواحي

هو أنت سخنة

هو حضرتك عارف أنا خريجة إيه

آهه إشمعنا

وموافق

موافقش ليه

يعني إحنا في مجتمع معروف إن فيه كليات قمة وقاع وإن الدكتور يتجوز دكتورة وكدا يعني

دا كلام جهل ولو هنمشي كدا ف محدش هيتجوز هي ال في أدبي مش زيها زي ال في علمي الاتنين بنات الفكرة ال تفرق بينهم هي مين فيهم ال تقدر تقوم بدور الزوجة والأم على أكمل وجه أنا مش هبقا مبسوط لما أتجوز واحدة وأخلف منها وتيجي تهملني أنا وابني علشان خاطر كاريرها وشغلها ومنصبها معنديش مانع أبدا إن يكون عندها حلم وكارير بس متهملش بيتها علشانه ومش معنى كدا

إن بنات طب وهندسة وحشين بالعكس إحنا بس بقينا بنعمم فكرة إن الكليات الأدبية قليلة أوي وبناتها ملهمش فرص في أي حاجة في الحياة

شكرا إنك فاهم ومخك واسع بجد

ها يا حلوين

إيه ال دخلك دلوقت يا عم

ليه أنت كنت عايز تعمل إيه

إخص على سوء الظن

طيب إحنا هنمشي ونستنى رأيكم يلا يا ماما

ينفع أدخل

تعالى يا حبيبي

ها يا كتكوتة أكيد منمتيش من إمبارح وقعدتي تفكري

بصراحة آهه وصليت إستخارة كمان

طب إيه

مش عارفة يا آدم بص أنا هحكيلك علشان أنت صاحبي هو بصراحة من قبل الموضوع دا وأنا حاسة بحاجة ناحيته بس والله لما كان بيجيلك أو بشوفه في بيتهم كنت بحاول أغض بصري وأبعد

عنه بس ڠصب عني لكن في نفس الوقت كنت بمنع

نفسي وبقول إن مستحيل يختارني ولما حصل بقا وكلامه إمبارح خلاني مبسوطة شوية حاسة إني عايزة أديله فرصة

كل دا وكنت مش موافقة لما قولت لك دا الانسان جاحد والله

أنا ليه حاسة إنك عايزة تخلص مني

أنا

لما أكون عايز أتطمن عليك أبقا بخلص منك

كل الفكرة إننا ملناش غير بعض ومحدش عارف عمره هيخلص وقتيه بابا لما إتوفى محدش كان متوقع إن دا ممكن يحصل وبعدها بكام شهر الغالية ما استحملتش فراقه وراحت له كل دا حصل فجأة ف محدش عارف بكرة هيجرى إيه وأنا عايزك تكوني مرتاحة ومبسوطة وأتطمن عليك علشان لما أتسأل عنك أبقا قومت بوظيفتي ومبقاش مقصر

وأنت فاكر إن لو لا قدر الله حصل لك حاجة أنا هبقى مبسوطة ومرتاحة

زي ما أنت قولت إحنا ملناش غير بعض وأنت كل حياتي أصلا ربنا يبارك لي فيك ويطول في عمرك

أنا بلغت غيث بموافقتك وعايز يكتب الكتاب علطول

ليه

علشان تتعاملوا براحتكم وتتعرفوا أكتر ها إيه رأيك

ال تقول عليه

بارك الله لكما وبارك عليكما وجمع بينكما في خير

جملة إتقالت من هنا وقلبي دق دقة غريبة من هنا إيه الشعور ال بيحصل من جملة دا

بعد جملة المأذون لقيته بيقرب مني وباس راسي كهربا كهربا لمست جسمي بعد لمسته ليا والله

مبارك يا آية عقبال الفرح يا حبيبتي

الله يبارك فيك يا خالو

مبارك يا حبيبتي كدا بقيتي بنتي بجد

ربنا يديمك يا طنط

بصيت على آدم ال كان واقف ساكت

دموع عيونه ظاهرة ليا أوي مسك إيدي وباسهم وأخدني في حضنه بعدها

جه ال هياخد مكاني في قلبك

تبقى عبيط لو مفكر إن أي حد ممكن يقرب من مكانك في قلبي

خلاص يا عم أبعد عن مراتي أنا بغير

من أولها هتاخدها مني هقول لك برا ملكش حاجة عندي

دا أنا وقعت في عيلة ظالمة وجامدة بقا

إذا كان عاجبك

عاجبني يا سيدي المهم هاخدها وننزل شوية

تلت ساعة وتكونوا جيتوا

تلت ساعة دي لما أقول لك أنا نازل ألعب مع صحابي تحت

يلا يابنتي

ابتسمت عليهم وسيبت إيد آدم وإتحركت مع غيث نزلت معاه وأنا لسة مش مصدقة إن كل دا حصل زي الحلم يمكن بس حلم لذيذ

وصلنا مكان هادي كان أغلبه شجر وورد

المكان بهدوئه مع نسمة الهوا مع بداية الليل ميكس جميل أوي

المكان حلو

جدا

طب إيه

مش عايزة تسأليني اسمي إيه أو تقوليلي إزيك

والله كنت متوترة ولما بتوتر بخبط في الكلام

طب تشربي إيه

مش عارفة أي حاجة

هطلب لك أنا على ذوقي ويارب يعجبك

مش عايزة تحكي لي عنك شوية

زي إيه

يعني مثلا أنت خريجة تربية ليه مش شغالة بشهادتك

أصلا أنا كنت داخلاها بسبب المجموع ڠصب يعني ومش شغالة بيها لإن عندي إقتناع إن المعلم دا مش أي حد يبقا في نفس وظيفته مش أي حد يقدر يقوم بدوره صح وأنا عارفة نفسي وعارفة إني مش قد الدور دا ممكن أكون بقدر أوصل المعلومة كويس بس المعلم مش بيوصل

معلومة بس المعلم بيربي جيل بيقعدوا معاه أكتر

ما بيقعدوا مع أهلهم وكلنا عارفين إن أشرف المعلمين كان سيدنا محمد ﷺ ولا شك طبعا في الجيل ال إتربى على إيده

كل دا وبتقولي إنك متقدريش تكوني معلمة

دا على كدا ف احنا كنا بنتعلم على إيد جزارين بقا

مش كلهم زي ما فيه الحلو فيه الۏحش

الفكرة إن دا مكانش حلمي

كان إيه حلمك

كنت عايزة أدخل كلية إعلام قسم صحافة

قدر الله وماشاء فعل لعله خير

فعلا يمكن لو كنت دخلت كان حصل شيء وحش لا قدر الله وكدا كدا أنا أصلا واحدة بفرهد بسرعة فمكنتش هبقا حمل المرمطة والشغل

وكدا كدا مكان المرأة بيتها ومطبخها أصلا

أيوا يعني دلوقت أواسيكي ولا أضحك على تفكيرك

إشرب العصير ويلا نمشي بدل ما آدم

يخليها آخر خروجة لينا

شوية وقومنا من المكان يعز عليا إني أسيب المكان بحلاوته دا والله قبل ما نخرج منه لاحظ غيث نظرتي للمكان فخلاني أقف وصورني وبعدها جاب لي وردة وإدهالي يمكن هي وردة واحدة بس أحسن من بوكيه لإنها خرجت من قلبه في لحظة

خرجنا من المكان وروحنا وإحنا طالعين للشقة كان ماسك إيدي إحساس جميل ولذيذ أوي

كل دا يا أستاذ أنت وهي

هتعيش لي فيها دور الحما بقا

آهه وهي كلمة معنديش بنات تتأخر برا البيت لبعد الساعة 2الفجر

جدع يا فرحة خالتك بيك

طب أدخلوا يلا

لا أنا هدخل شقتنا ألحق أطمن ماما وأنام شوية بكرة عايز أقضيه مع مراتي واخد بالك

شكلك هتقضيه في القصر العيني

بعد الشړ

يا آدم عليه

الله أكبر دا إيه القمر دا

جملة خرجت مني من غير ما أفكر بربع جنيه حتى حسبي الله بجد إتكسفت منه بجد بعد ما قال كدا باس إيدي بعدين سابنا وراح شقتهم دخلت مع آدم وأنا حتى مش قادرة أرفع عيني في عينه

احم طب أنا داخلة أنام

والله

آدم بالله عليك أنا مكسوفة أوي ف اتلم

أنا برضه ال أتلم

بعد الشړ عليه يا آدم

يووه دا أنت مستفز وعلفكرة أنا مبتكلمش كدا

طب غيري وتعالي ناكل يلا أنا مأكلتش طول النهار ومستنيكي

حاضر ياحبيبي

مبسوطة

مرتاحة وطالما مرتاحة فأكيد هكون مبسوطة

وأنا مش عايز غير راحتك

أنا مش قادرة أوصف علاقتي بيه غير إني برتاح وبحس ب أمان

معاه بحس معاه إنه زي بابا وزي آدم علاقتنا دافية أوي قلبي إتعلق بيه أكتر من الأول وميتعلقش ليه وهو فيه حاجات كتير كنت بطلبها حنين بيهتم بتفاصيلي بيحاول كتير يسعدني ويرضيني علاقته بمامته جميلة جدا بيعتبر آدم أخوه وواقف في ضهره علاقته بربنا كويسة أكيد بيغلط وأكيد مفيش شخص مثالي بس فيه شخص مميزاته بتطغى على عيوبه

الكتكوتة ال فرحها كمان أسبوع

مش عارفة أفرح ولا أزعل

تفرحي يا دراما كوين وتفرحي قلبي

الله يفرح قلبك ويراضيه يا حبيبي

المهم قولي لي بقا زعلانة ليه

علشان هسيبك 24سنة عايشة معاك ومسيبناش بعض وفجأة مطلوب مني إني هبعد عنك

مين قال بس إنك هتبعدي

مش غيث أخد الشقة ال في الدور ال

فوق يعني بيني وبينك حيطة دا أنت لو إتكلمتي

في المطبخ أنا هسمعك وكمان هو قال لك يوم الجمعة هتقضيه معايا وبعدين لو هتبعدي عني بالمكان ف أنت روحك في قلبي

طب بالله بقا ينفع أسيب الحب دا يولاد

وكمان مش هاين عليا إنك تفضل لوحدك ومين هيأكلك

إتوكسي يا آية دا أنت كنت بتطبخي تسع مرات في الشهر وبعدين هي يعني طنط فاتن سايبانا من ساعة ما عرفتنا دي كلها ربع ساعة وتلقيها بتخبط جايبة لنا طبق بسبوسة ولا طبق أم علي

إفرحي وإتجوزي وفرحي جوزك ومامته بقا وهاتي لي كتكوتة صغيرة كدا أربيها وساعتها مش عايز أشوف وشك أصلا

بياع

إعملوا حسابكم إن أول بيبي دا بتاعي الخال والد يعني أنا ليا

حق فيه

إتغطى كويس يا حبيبي

كام يوم وهروح بيت جديد بيت جديد بحياة جديدة برفيق درب جديد كل الخۏف والتوتر بسبب هل أنا هقدر أقوم بالدور صح ولا لاء بس عندي يقين إن غيث مش هيسيبني لتفكيري السلبي

برجلك اليمين يا سكر

والله أول مرة أصدق إني دراما كوين فعلا وإني نكدية مع أول خطوة خطيتها في الشقة وفيه شيء غريب لمس قلبي عايزة أعيط حالا بس هتكون دموع فرح وشكر لله والله

حلوة الشقة

المكان بيكون حلو بالصحبة ال فيه يا غيث ومفيش أجمل منك صاحب ف بالتالي المكان هنا حلو

طب والله تستاهلي بوسة وحضن على كلامك العسل دا

بس بقا ما توترنيش

الله يكرمك

طب أنا عايز أقول لك حاجة

إتفضل

هاتي إيدك دي بس الأول

عايز أقول لك إني مبسوط جدا إن من النهاردة أنت هتشاركيني عمري ونفسي يمكن الفترة ال فاتت إتعرفنا على بعض شوية بس أكيد العمر الجاي هنعرف بعض أكتر وأكتر عايز أكون لك الأب والأخ والزوج والابن والصاحب والحبيب مش عايزك تخافي مني وتداري عني شيء قد ما يكون فيه إحترام وثقة وتفاهم متبادلين بيننا أخوك كان بيوصيني عليك وبيقول لي إنك أمانته وميعرفش إنك كنت أمانتي عندهم أصلا الكلام ال عايز أقوله كتير ومش هيكفيه ليلة ولا ليالي بس خلاصة الكلام إني بحبك وبحب وجودك وهحاول بكل جهدي إني أتقي

ربنا فيك ويكون سيدنا النبي ﷺ قدوة ليا ونكون سبب في دخول بعض للجنة

غيث

أنت ليه مصمم تخليني أعيط كلامك طمن قلبي أوي

مش عارفة أقول لك إيه بس أوعدك إني هخلي طنط فاتن تعلمني الطبخ وهطبخ لك كل ال بتحبه

يا شيخة

والله علفكرة دا هيكون إنجاز جامد أوي ودا معناه إنك غالي عندي

طب مش عايزة تقولي حاجة كدا تعترفي بحاجة كدا أي حاجة تبل ريق قلبي الغلبان دا

اسمك إيه يا غيث

سعيد اسمي سعيد

خلاص خلاص متزعلش

طب هاا

أنا قلبي وعقلي حبوك يا غيث

طب والله عيون غيث بتدوب فيك

حبيت جميل ياريتني ظله حاز

الجمال والحسن كله

تمت