بقالنا شهور، وجوزي وكانة في راجل قدامة بدون رحمة ودا لانة بيصدق كل كلمة كدب بتقولها لية اختة الكبيرة ولانها مبتحبنيش ودايما تقومة عليا .. كل يوم بيرجع البيت وهو بيدور على أي سبب عشان يطلّع غضبه فيا .. وأنا اللي كنت دايماً الضحية. بعد كل مرة فيها ، كان بيحلف إنها آخر مرة، ومع كل اعتذار، كانت الكدمات في جسمي بتزيد وبتغمق أكتر. وفي ليلة ضربني جامد لدرجة إني مكنتش قادرة أخد نفسي وحصل ….
بقالنا شهور، وجوزي “عصام” بيرجع البيت ووشه مش مبشر، عيونه مليانة شك وكأنه داخل البيت بطلّع فيه عيوب مش موجودة أصلاً.
والاتهامات دي مكنتش منه هو.. كانت من “رشا”، اختة الكبيرة
رشا كان عندها دايماً رواية جديدة، وقصة مختلفة.كل مرة بتقنعة بيها وهو يصدقها وكأن كلامها سحر علي ودانة..
#انجي_الخطيب
مرة تحلف له إني بسحب فلوس من حساب التوفير بتاعنا من وراه.
ومرة تقولة انها جت عندنا البيت وهو في الشغل وانا طردتها..
لدرجة إنها أقنعته إني بكلم مديرة في الشغل وقولتلة إنه فاشل ومش عارف يفتح بيت.
طبعاً، مفيش كلمة من ده حصلت.. بس هو عمره ما فكر يسألني “إيه اللي حصل؟”. كان بيصدقها هي، وأنا لا.
وبعد كل خناقة لما يتأكد اني معملتش كدا.. كان بيعتذر وكأنة معملش فيا حاجة
وكل دا عشان خايف اعمل فيه محضر واحبسة مع اني عمري ما فكرت اعمل كدا..
وكل مرة وعود تانية إنه مش هيفقد أعصابه تاني أبداً.
والدايرة بتلف وتلف، لحد ما بقيت ببص في المراية ومش عارفة مين الست اللي أنا شايفاها دي.
بلبس هدوم بكم طويل عشان أخبي الكدمات.
وبحط ميك أب تقيل عشان أداري علامات على وشي.
وكل ما أمي تتصل تسأل، كنت بضحك وأنا من الوجع وأقولها: “يا ماما، كل حاجة زي الفل”.
بس هي، كانت عارفة.. وكأنها حاسة بيا.
يوم الخميس اللي فات، عصام دخل البيت زي الإعصار، وماسك تليفونه في إيده.
زعق وقال: “رشا حكت لي كل حاجة!”.
أنا كنت واقفة مصدومة، مش عارفة هو بيتكلم عن إيه.
#انجي_الخطيب
قلتله: “في إيه يا عصام؟ إيه اللي حصل؟”.
رد بصوت عالي: “بقالك فترة بتخططي تسيبي البيت وتخلعي؟”.
حاولت أقوله “لأ”، بس هو مسمعنيش.
قولت خلاص لما يروح الشغل هلم حاجتي وهمشي واخد بنتي مبقتش قادرة استحمل وفي اليوم اللي قررت امشي فيه لاقيتة داخل عليا المطبخ وعينة بطلع شرار وبيقولي..
إن اختة شافتني بقابل راجل تاني في مكان عام جنب البيت..
انا اتصدمت من كلامة وقولتلة انت تصدق عليا كدا والله ما حصل اختك كدابة
مدنيش فرصة اقول حاجة تاني
رمى طقم الصيني اللي كان على الرخامة في الأرض، وبعدين مسكني من دراعي بقوة.
حاولت أفلت منه، بس زقني بكل قوته.
جسمي خبط في حيطة المطبخ، كانت قوية لدرجة إن نفسي اتقطع، ودماغي خبطت في ضلفة المطبخ ووقعت كل اللي فيها..
حسيت بطعم في بقي.
عصام اتجمد في مكانه.. للحظة، شفت الندم في عيونه، بس بعدها ساب المطبخ ومشي من غير ولا كلمة.
جريت على الحمام وقفلت على نفسي قعدت على الأرض، وبدأت أمسح الدم اللي على شفايفي. وبإيدين بتترعش، بدأت اشوف الكدمات الجديدة اللي علي جسمي لحد ما سمعت خبط علي باب الحمام جامد بس المرة دي مش صوت جوزي بس دا كمان كان معاه صوت اختة وعمالة تشتم فيا وتقولي افتحي الرعب نزل في قلبي ومبقتش عارفة اعمل ايه…
مبقاش قدامي غير شخص واحد بس أكلمة هو اللي ممكن ينقذني من اللي انا فية الشخص دا كان…
#انجي_الخطيب
خبطهم على باب الحمام كان بيزيد، وشتيمة رشا بقت مسموعة بوضوح وصوتها بيعلو زي السك*ينة في قلبي، وعصام واقف وراها بيزود في . وقفت مذهولة، جسمي بيترعش من الوجع والرعب، والدموع بتمحي الرؤية قدامي. مسكت الموبايل في إيد بتترعش، فتحت الأسماء، وعيني جت على اسم “خالد”.. أخويا الكبير اللي غاب سنين في الغربة، واللي كنت دايماً بحاول أخبي عليه وجعي عشان ميقلقش، بس اللحظة دي مفيش غيره، هو السند الوحيد اللي مفيش “رشا” ولا “عصام” يقدروا يقفوا قصاده. كتبت بسرعة وأنا بداري صوت شهقاتي: “يا خالد الحقني، عصام بيموتني هو وأخته، أنا محبوسة في الحمام ومش عارفة أخرج، لو مجتش دلوقتي مش عارفة ممكن يحصل إيه، أرجوك”. دوست إرسال وقلبي في إيدي، وفجأة الباب خبط خبطة قوية هزت الحمام كله وصوت عصام زعق: “افتحي يا خاينة بدل ما أكسر الباب ده على دماغك!”، اتسحبت في ركن ضيق، كورت نفسي، ودعيت ربنا خالد يشوف الرسالة بسرعة قبل ما يكسروا الباب ويقضوا على باقي روحي.
