أحمد ونوال بصوا لبعض باستغراب. واضح إنهم كانوا
مستنيين حاجة تانية… مستنييني أعيط، أزعق، أترجاهم، أستعطفهم زي كل مرة. لكن المرة دي ما عملتش أي حاجة.
هزيت راسي وقلت
تمام. العدل يتطبق على الكل.
لفيت ومشيت ناحية أوضة المكتب. أحمد عقد حواجبه
رايحة فين؟
قلت من غير ما أبص له
أنفذ واجبي.
دخلت المكتب، فتحت الكمبيوتر، وكتبت نموذج اتفاق طلاق. نزلت النموذج وابتديت أعدله. موضوع الممتلكات كان بسيط جدًا، لأني تقريبًا ماكانش عندي حاجة. قبل الجواز، كل تحويشة عمري حطيتها مع أحمد علشان أساعده يبدأ مشروعه. وبعد الجواز بطلت شغل، وبقيت من غير دخل. العربية باسمه، الشقة باسمه، كل حاجة باسمه.
وصلت لآخر بند، وكتبت تتنازل الزوجة طواعية عن أي حق في تقسيم الممتلكات، وتغادر دون المطالبة بأي أصول أو ممتلكات.
ضغطت طباعة. ورقة… وبعدين التانية… وبعدين التالتة. مسكت النسخ الثلاثة وهي لسه دافية وخرجت للصالة.
حطيت اتفاق الطلاق قدامه على الترابيزة. أخدت القلم وبطء ووضوح كتبت اسمي في خانة توقيع الزوجة مريم.
وبصيت لأحمد
وقّع. قوانين البيت مينفعش تتكسر، صح؟ والعدل لازم يتطبق على الكل.
الجزء الثاني
الصالة غرقت في صمت تقيل. أحمد نزل عينه على نسخ اتفاق الطلاق، ولأول مرة ملامحه اتغيرت… مش غضب، ومش حزن، كان عدم فهم واستغراب
منطقي بحت.
رفع عينه وقال
مريم إيه معنى اللي إنتِ بتعمليه ده؟
بصيت له بهدوء
معناه المكتوب قدامك… طلاق.
نوال قامت من مكانها فجأة
إنتِ اتجننتي؟! إنتِ فاكرة البيت ده إيه؟ فندق؟! تدخل وقت ما تحبي وتمشي وقت ما تحبي؟! علشان موقف تافه زي ده عايزة تطلقي؟! هو إنتِ كبرتي علينا ولا إيه؟!
بصيت لأحمد وقلت بصوت هادي
مصروف 6 شهور… 18 ألف يوان. يعني بالنسبة لكم، 18 ألف يوان تمن كفاية علشان تقفلوا حساب إنقاذ حياة بنتك.
أحمد مسك الاتفاق وقرأه، ولما وصل لسطر تنازلي عن الممتلكات شبك صوابعه وقال بهدوء
مريم، أنا فاهم إنك تعبانة وحالتك النفسية مش مستقرة، علشان كده أنا مش هحاسبك على الكلام ده. لكن استخدام الطلاق كوسيلة ضغط أسلوب رخيص مش هيحل حاجة.
قلت
أنا مش بهددك… أنا ببلغك.
قال بعدم تصديق
كل ده علشان ورقة عقوبة؟! جوازنا في نظرك هش للدرجة دي؟
قلت له
مش بسبب ورقة العقوبة… بسبب رد فعلك إنت في اللحظة اللي الورقة دي اترمت فيها في وشي. الورقة دي مش أول حاجة يا أحمد. فاكر لما أمي دخلت المستشفى السنة اللي فاتت وطلبت منك 500 يوان للادوية؟ قعدت تحسب على اللابتوب وقلتلي والدتك مش ضمن ميزانية بيتنا، واضطريت أبيع إسورة أمي؟ فاكر لما أبوك احتاج عملية بعدها ب 3 شهور
ودفت من فلوس البيت من غير ما تسألني؟ فاكر لما سلمى احتاجت تغيير عربيتها ودُفع لها مقدم 70 ألف يوان من حساب المشروع اللي حطيت فيه تحويشة عمري؟ وقتها ما افتكرتش إن كل موضوع منفصل عن التاني! قوانينك كانت سلاح بيتطبق عليا أنا بس.
نوال خبطت على الترابيزة
كفاية قلة أدب!
بصيت لها وقلت
البند التالت في قوانين البيت بيقول ممنوع رفع الصوت أثناء النقاش. أمك دلوقتي خالفت البند التالت يا أحمد… طبق العدل.
أحمد وشه بقى جامد وقال
مريم بلاش سخافة.
قلت له
بالظبط… لما القوانين توصل لأمك تبقى سخافة، ولما توصل ليا تبقى مبدأ.
دخلت أوضتنا، شلت شنطة سفر صغيرة وحطيت فيها هدوم تكفيني كام يوم. أحمد دخل ورايا وقال
هتروحي فين؟ بفلوس مين؟ حسابك البنكي فاضي والمصروف اتوقف.
ضحكت بمرارة على نفسي إني كنت فاكرة إن عندي زوج. شلت الشنطة وخرجت، وقبل ما أخرج مسك دراعي عند مكان الإبرة بالظبط، صرخت من الوجع فسابني.
سمعت نوال بتقول له ورايا
سيبيها تمشي يا أحمد! هتروح فين يعني؟ يومين وهترجع! واحدة معندهاش شغل ولا فلوس هتعيش إزاي بره بيت جوزها؟
قفلت الباب وابتسمت… هما ماكانوش يعرفوا إني صحيح بطلت شغل، بس ما بطلتش أكون مريم.
الجزء الثالث
أول ليلة قضيتها في فندق صغير قريب من المستشفى. لما قفلت الباب، حسيت براحة إني محدش هيحاسبني أو يكتب لي مخالفة. فتحت موبايلي لقيت 19 مكالمة من أحمد ورسائل بيطلب فيها إني أرجع وأعتذر لأمه عشان يلغي العقوبة! هو لسه فاكر إن المشكلة 18 ألف يوان ومش فاهم إن فيه حاجة جوايا ماتت.
اتصلت بالأستاذة هالة منصور، مديرتي القديمة في شركة الاستشارات المالية اللي سبتها لما اتجوزت أحمد بناءً على رغبته. رحبت بيا جدًا وقالت لي أجيلها تاني يوم.
تاني يوم، حطت قدامي عرض عمل. المرتب كان كفاية أدفع إيجار وآكل وأعيش من غير ما أستنى مصروف أحمد. وقعت العقد، وفي نفس اللحظة أحمد اتصل وبعت رسالة المحامي كلمني. إنتِ فعلًا قدمتي إجراءات الطلاق؟
رديت عليه أيوه.
قال إحنا محتاجين نتكلم.
كتبت له اتكلم مع المحامي.
خلال أسبوع الدنيا اتقلبت، أحمد رفض يوقع الطلاق وبدأ يطاردني عند الشركة ويبعت ورد. استناني مرة وصرخ مش هنضيع 8 سنين بسب مشكلة سخيفة، هألغي العقوبة!
رديت عليه العقوبة مش المشكلة… المشكلة إنك لحد النهارده مش عارف إيه هي المشكلة.
قال لي طب وسلمى؟! سلمى عايزة تشوفك وتأكدت إنك إنتِ اللي اتبرعتي لها.
قلت له لما صحتها تتحسن هكلمها، ومشيت.
الجزء الرابع
بعد أسبوعين، سلمى اتصلت بيا وصوتها تعبان بتعيط وبتبكي، وتأسفت لي عن اللي حصل من أخوها وأمها وقالت لي الدم اللي في جسمي منك وده مالوش علاقة بلي حصل. وأكدت عليا أخلّي بالي من نفسي لأنها سمعت أحمد وأمها بيخططوا لإرجاعي قبل ما أكتشف.
بعد 3 أيام، جالي المحاسب القديم لشراكة أحمد واسمه شريف عبد الحميد. حط قدامي ملف فيه العقود القديمة، واكتشفت إن فلوسي اللي دفعتها قبل الجواز ما كانتش مساعدة… دي كانت حجة شراكة واستثمار رسمية بنسبة في الشركة!
والصدمة إن اتعمل تنازل مزور بتوقيع اسمي بعد الجواز بسنة!
قيمة حصتي كانت أضعاف أضعاف ال 18 ألف يوان.
أحمد وأمه كانوا مرعوبين من الطلاق عشان الملفات والتزوير ده ما ينكشفش!
اتصلت فورًا بالمحامية وقلت لها أوقفي اتفاق التنازل وطالبي بمراجعة كاملة لكل أصولي وممتلكاتي من يوم ما اتجوزت.
أحمد اتجنن، اتصل بيا 11 مرة، وبعت رسائل بيبرر كنا متجوزين ومفيش فرق بين فلوسي وفلوسك.
رديت عليه لما كانت الفلوس فلوس الشركة بقينا واحد، ولما كنت محتاجة مصروف كان كل جنيه محسوب عليا.
جالي المكتب وهو منهار ومكرمش وقال لي المحامي طالب مراجعة حسابات 8 سنين! وواجهته بالتزوير، فبدأ يرمي التهمة على أمه نوال هي اللي عملت كده وقالت إجراء شكلي!
قلت له وإنت ماكنتش تعرف؟ بص في عيني! نزل عينه وما قدرش ينكر. طردته بره المكتب وقلت له البند التالت بيمنع رفع الصوت!
الجزء الخامس
قضية الطلاق اتحولت لمعركة حسابات. خبير الخطوط أثبت تزوير التوقيع.
سلمى اتصلت بيا واعترفت
لي إنها هي اللي بعتت لي التقرير الطبي القديم اللي كان أحمد ونوال مخبينه في المكتب، واللي بيثبت إن أحمد كان عارف بشرط ونوع نقل الدم الخاص بسلمى وتاريخها الطبي ومع ذلك خبي الملف على الدكاترة في الحادثة! سلمى فهمت استغلالهم وتحكمهم وقررت تقف في وشهم.
بعد شهرين، أخدت طلاقي، وأخدت حقي المالي القانوني بالكامل اللي أثبتته المستندات. أُجرت شقة صغيرة مستقيلة، واشتريت ترابيزة سفرة مستديرة مفيش جنبها قوانين معلقة ولا مواعيد إجبارية.
نوال حاولت تهاجمني بره المحكمة وتصرخ خربتي بيتك علشان 6 شهور مصروف؟!
ابتسمت وقلت لها لسه مش فاهمة… وسيبتها ومشيت.
الجزء السادس النهاية
