من شهر تقريبًا سمعنا عن زريبة في بلدنا كل شوية تمسك فيها وبالأخص الساعة ١٢ بالليل وبدون أي أسباب، وبتفضل النار ماسكة في الزريبة يمكن نص ساعة كاملة، ومهما الناس اتجمعوا وحاولوا يطفوا النار للأسف مبتطفيش غير بعد نصف ساعة تقريبًا، وأكتر من حد بقوا بخوف وبيقولوا إنهم بيسمعوا صوت وكأن النار بتتكلم، حتى شكل بيكون غريب وغير مفهوم، وكأن النار ليها رجلين وإيدين وعيون ولسان، كل ده كان مادة خصبة للكلام عن الموضوع، خاصةً إن مواضيع الماورائيات دي بتثير جوة الناس ألف سؤال وسؤال..
ومع مرور الأيام بقت الناس بتتجاهل النار وبيسيبوها لأنهم بقوا عارفين إنها هتطفي لوحدها، كل ده كان مجرد كلام بسمعه، بس مكنتش أعرف مكان الزريبة ولا مصدق الحكاية من أساسها، لحد ما من تلت أيام بس أبويا عمل على الطريق ورجله ، على المستشفى عشان أشوفه والحمد لله الموضوع نوعًا ما مكنش خطير.. يوم كامل معاه لحد ما قدرنا نطمن عليه وفي النهاية إدارة المستشفى قالت إنه هيفضل لحد تاني يوم وبعدها يقدر يخرج، كانت الساعة داخلة على ١١ بالليل أي مرافق يبات مع ، وكان لازم أروح وتاني يوم أقدر أرجعله ونروح..
ركبت عربية من المستشفى لحد بلدنا وفكرت شوية ولقيت إني لو على المحطة مش هلاقي أي توكتوك دلوقتي وهمشي كتير أوي، وممكن أنزل ناحية الأراضي الزراعية واتمشى منها لحد البيت وده هيكون أفضل كتير، ونزلت بالفعل عند الطريق الزراعي ودخلت فورًا في قلب الظلام والليل لأني كنت مرهق جدًا ومحتاج أنام بأي طريقة..
طبعًا المكان مُخيف جدًا وشايف قدامي بالعافية، ورغم إن فيه بيوت كتير بس كل بيت قافل على نفسه بسور ومفيش أي إضاءة تقريبًا طالعة من البيوت، ووسط مانا ماشي وسرحان وبسبح وبشكر ربنا على نجاة أبويا سمعت صوت غريب جاي من على يميني، وبالأخص كان جاي من زريبة مبنية بالطوب القديم المُتهالك.. فكرت أكبر دماغي وأكمل مشي بس الصوت كان شبيه لصوت آدمي، وكأن فيه حد بينادي بس بصوت مكتوم أوي، قربت من الزريبة وحطيت ودني على الحيطة وكتمت أنفاسي تمامًا، أيوة فعلًا فيه صوت واضح جدًا..
فكرت أمشي عشان محطش نفسي في موقف بايخ، بس احتمالية إن حد يكون طالب مساعدة أو جوه أقرر أدخل وأشوف فيه أيه، قربت من باب الزريبة وزقيته لقيته اتفتح بقوة وكأنه كان مستني الزقة بتاعتي، قلبي مكانه من الصوت بس تمالكت نفسي ونورت فلاش الموبايل.. الغريب إني شوفت بنت شابة قاعدة مربعة في نص الزريبة ولابسة نضارة حفظ نظر وماسكة كتاب وبتقرأ منه، حسيت بس افتكرت إنها قاعدة في الدامس ده، ازاي بتقرأ وشايفة أصلًا، ناديت عليها بتوتر بس مردتش عليا إطلاقًا..
تمالكت أعصابي وقربت منها وأول ما رجلي خطت على مكان ما لقتها شهقت بصوت عالي وأول ما رجعت بقلق ناحية الباب سكتت، قربت تاني وأنا بكلمها وأول ما دوست على الأرض شهقت، رجعت تاني سكتت.. فضلت على الحال ده أكتر من مرة، لحد ما قربت تاني لقتها قامت بسرعة رهيبة وفضلت تنط زي النسناس الصغير، ولقتها بدأت تحفر في الأرض بسرعة رهيبة، تحفر وتحفر لحد ما خرجت نار من الأرض، نار لونها أحمر بطريقة مًخيفة..
وقبل ما أخرج بلحظة النار مسكت في الحيطان وفي المكان كله، وقتها كان لازم أصرخ من الرعب، وبدون وعي خرجت من المكان وطلعت أجري زي المجنون ناحية كله واقف ومش قادر أنطق بنص كلمة من اللي أنا فيه.. بس من ورايا كنت سامع صوت خطوات، خطوات تقيلة وكأن حد ، بصيت ورايا لقيت البنت بتجري على أربع زي الحيوان والنار ماسكة في إيديها ورجليها، في اللحظة دي كانت قربت مني ومكنش فيه مهرب غير الترعة، وبدون وعي رميت نفسي فيها وهي وقفت على قمة الترعة تبص عليا بعيون ملتهبة، بصتلها برعب وبدأت أردد برعب وأقول:
ـ أنتي عايزة مني أيه، أنا كنت جاي أساعدك مكنتش جاي آذيكي.. معرفش أنا ليه قولت الكلمتين دول، ومعرفش برضه ازاي أول ما قولت كدا لقتها مشيت من المكان بدون ما تبص ناحيتي مرة تانية، طلعت من الترعة ورجعت على البيت بدون ما أقف لحظة واحدة، حمدت ربنا إن أمي كانت نايمة وإلا كانت الدنيا وأنا جاي مبلول كدا، وغيرت هدومي ونمت زي ، وتاني يوم روحت جبت والدي من المستشفى والحمد لله اطمنا عليه ورجعت على البيت..
دخلت ليلتها أنام وأنا بحاول الليلة الغريبة اللي قضتها دي، وفي نص الليل بتقلب على حسيت إني بتقلب في تراب وطين مش على ، قمت من مكاني مخضوض وببص لقتني في قلب الزريبة من تاني، أيه الجنان ده، قمت وحاسس إن كل خلية جوايا من الخوف، وافتكرت تفاصيل الليلة إياها ودعيت ربنا إنها بنفس تفاصيلها.. ولسة ببص ورايا لقيت البنت، لقتها شبه لازقة في جسمي وعنيها في عنيا، وقبل ما أتحرك غرزت ضوافرها في رقبتي، وصرخت بأعلى صوت عشان كل حاجة تقريبًا تختفي، كل حاجة غير واحد..
