أشرف و هو بيعلي السرعه أكتر و البرق و الرعد هما أسياد الليل: “لازم نبقى يا قاتل يا مقتول.”
غاليه بصدمه: “قاتل و مقتول إيه!!! إحنا لازم نهرب من غريب..”
أشرف بغل و تصميم: “لا لازم نقتل غريب!!”
غاليه بعياط و هي بتضربها مع كل كلمه: “متتكلميش يا! أبو عيالك دلوقتي أبو عيالك!”
أشرف بعصبيه: “بطلوا لت و جعن بقى! إخرسوا دلوقتي بدل ما أفرتك رصاصه في مخكم!”
غريب كان حاسس بنار جواه نار بتاكل فيه في قلبه في عقله في حبيبته و صاحب عمره الخيانه تيجي منهم ليه و إزاي..
دماغه كانت هتنفجر من الألم و التفكير و البرق و الرعد كانوا بالنسبه للي جواه زي نسمات الربيع.. أما هو إلي جواه زي نار جهنم!
كان بيسوق على أقصى سرعه على الطريق السريع وراهم.. و كل شويه أشرف يحود و يغير الإتجاه عشان يشتت غريب.
لحد ما غريب فاض بيه و صبره إنتهى و بدأ يضرب عليهم.. كانت غاليه و هيدي بيصرخوا و أشرف بيبص له بغيظ و غل في لمح البصر دخلت عربيه نقل في غريب من الجنب و عربيته إتقلبت!!!
هيدي شافت المنظر ده بصدمه و صعقه.. لولا إنهم بعدوا شويه كانت العربيه النقل هتدخل فيهم هما كمان!!!!
عربية غريب لما إتقلبت إتدغدغت حرفيا و هو بينزف جوه العربيه و هو بيهمس بألم: “يا ريته كان كابوس.. يا ريته كان كاااااابوس!”
صرخ بآخر كلمه بألم و جسمه بيوجعه كسر إزاز الشباك بكوعه و لسه هيطلع من العربيه لقاها بتولع خلاص!!!!
الجزء الثالث
عند هيدي و أشرف.
هيدي بعياط: “يا لهوي على المنظر.. إيه ده!! إييييه إلي حصل ده!!!! ده هيموت!! كان ممكن نلحقه!”
غاليه بقهره و هي مش قادره تاخد نفسها: “حسبي الله و نعم الوكيل.. حسبي الله و نعم الوكيل.. غريب عمل ليكم إيه؟ ليه كده؟ ليه الغدر و الخيانه دي!! ليه حرام عليكم.. ليه عملتوا فيه كده!!”
أشرف بزعيق: “بس بقى بس.. هنروح على البيت دلوقتي.. الحفله أكيد خلصت.. هنقول إن غريب جاي ورانا لو لقينا أبوه و أخوه هناك.. لحد ما أتأكد إنه مات خلاص.. ساعتها نعمل العزاء.”
غاليه بلطم: “عزااء!!! اه يا ولاد ا!”
مسكها أشرف من شعرها و قال بزعيق في وشها: “يا بنت ال إخرسي!!”
هيدي نزلت من العربيه و قالت بخوف: “خلاص يا أشرف أرجوك خلاص.. يلا بينا من هنا.. يلا بالله عليك.”
غاليه بغيظ: “و إلي زي ده يعرف ربنا!! و لا أنت كمان تعرفي ربنا يا!”
قبض إيده و بص لها بغيظ و قال: “أوووووف!”
و كل شويه غاليه كانت بتحسبن عليهم و بتقل أدبها على أشرف و هيدي أختها.
في الڤيلا لما وصلوا.
يزن أخو غريب: “كويسه يا هيدي؟”
هيدي بقلق: “ليه بتسأل؟ ليه؟”
يزن بإستغراب: “مالك فيكي إيه؟ ما غريب قال إنك تعبانه و هيروح بيكي المستشفى.. أومال هو فين؟ و أشرف إختفى فجأه كده.. هما فين؟”
هيدي بتوتر: “لا بقيت كويسه.. أشرف روح من زمان و.. و غريب هيجيب الدواء بتاعي و ييجي.”
يزن بإرتياح: “طيب تمام.. عمتا البنات ناموا من ساعه و بابا روح.. ف هروح أنا كمان عشان مينفعش نبقى سوا كده.. و لما غريب يرجع خليه يكلمني.”
هيدي ببلعة ريق: “تمام.”
طلع يزن من الڤيلا لقى غاليه قاعده في الجنينه و إتصدم لما لقى.
عند أيلول.
دكتور سامح زميلها: “ألو يا دكتوره أيلول.. محتاجينك في المستشفى.”
أيلول قامت من على السرير بسرعه بعد ما كانت نامت خلاص و قالت: “جايه حالا يا دكتور سامح.”
سامح بسرعه: “حالة طواريء..”
أيلول بإصرار: “حالا.. هكون قدامك.”
أيلول كانت مكتئبه عشان مش عارفه توصل ل غريب و كانت زي الشبح بيظهر و يختفي و هي مش بتقدر توصله بس ما زال جواها إصرار و شغف إنها تشوفه.. بس شغلها دايما بيخرجها من حزنها ف كانت مبسوطه إنها هتنقذ حد من الموت بعد أمر من ربنا.
عند يزن و غاليه.
يزن لقاها قاعده بتترعش في الجنينه و حاطه إيدها على بطنها إستغرب من منظرها و راح ليها و قال بقلق: “مالك يا غاليه قاعده هنا ليه؟”
غاليه رفعت راسها ليه و المطر لسه شغال.. بصتله بتعب و قالت بنبرة خوف: “تعبانه شويه بس.”
لقى يزن دم نازل على رجلها ف قال بخضه: “إيه الدم ده!! حصلك إيه!!!”
غاليه بدموع..
يزن بصدمه..
يا ترا غاليه قالت إيه ل يزن و إيه الدم ده و غريب هيعيش و لا لا!!
لقى يزن دم نازل على رجلها ف قال بخوف و قلق عليها: “إيه الدم ده؟ أنت كويسه؟”
غاليه بدموع و دوخه: “بطني!”
حست بدوخه ف كانت هتقع بس يزن سند ضهرها بسرعه و قال بصدمه: “غاليه!!”
شالها بين إيده و هي في دم بينزل منها بطريقه غزيره ركبها العربيه و إنطلق على المستشفى على طول و هي على الكرسي جمبه و بتفتكر غريب و عربيته و هي بتتقلب و لما إعترضت و بدأت تزعق في أشرف آخر لما زهق أشرف منها.. غاليه كانت ساكته و مستحمله الألم لحد ما وصلهم البيت و هيدي سابتها في الجنينه ف بدأت غاليه تنزف أكتر لحد ما يزن طلع لها..
يزن وصل للمستشفى و شالها بين إيده و دخل بيها بسرعه و أول ما دخلت دخلوها العمليات.
يزن ساعتها كان قاعد خايف عليها لحد ما لقى واحد داخل على الترولي و حالته خطره و كل إلي في المستشفى بيقولوا إن دي حالة طواريء..
إستغرب و راح ناحيته يشوف ماله بس جت دكتوره و قالت بعصبيه: “وسع لو سمحت! وسع!”
بص يزن و حمحم و بعد.
في العمليات.
أيلول كانت مسئولة عن علاج الحروق إلي في جسم المريض و الدم إلي بيخرج من كل مكان في جسمه وشه كان متخرشم.. كان كل دكتور بيعالج حاجه فيه أيلول وقفت خطورة الحروق على الأنسجه قبل ما تدمر.. و مشيت جت قدام وشه و هي لابسه كمامتها و الدكتور بيشيل الإزاز من حواليين وشه و الإزاز إلي كان على عينه بصت أيلول في عيونه إلي جفونها بتترعش بتركيز و دمه مغرق الجوانتي بتاعها.
أيلول بخفوت: “مش معقول!! الظابط!! إلي كنت بدور عليه!!!”
أيلول ساعتها كان قلبها بيدق بعنف رجعت لورا فجأه و هي بتبص له بصدمه و دموع.. مكنتش تتمنى تشوفه بالمنظر ده على السرير.. تعبان و متخرشم كده!!
