هيدي بضيق: “عيد ميلاد غريب و يزن.. يعني صحاب ده و صحاب ده جايين.”
حماها بتنهيده: “جيبتي هديه ل غريب بقى و لا لا؟”
هيدي بتوتر: “لا.. نسيت.”
حماها: “أول مره متجيبيش يعني.. إيه إلي جد؟”
هيدي و هي بتطلع البلالين: “المشاغل بقى و كده.”
كانوا الشغالين واقفين معاها بينفخوا البلالين و يعلقوا الزواق.
لين و ليان في نفس النفس: “جدوووووو!”
جريوا على جدهم ف قال الزهيري: “حبايب قلب جدو و الله.”
ليان: “إتأخرت علينا خالص.. مجتش غير في المناسبات السنه دي.. و أنت بتوحشنا.”
كانت لين واقفه ساكته و ليان بتتكلم مع جدها.. و لين بتبص لمامتها بنظرات غريبه مش مفهومه.
جدها لاحظ ف قال: “مالك يا لين حبيبت جدو؟ شكلها زعلانه.”
قالت كده و طلعت على الأوضه ف قالت ليان: “هي كده يا جدو.. بقالها فتره مكتئبه و زعلانه و مش بتتكلم رغم إننا 13 سنه بس يعني.. المفروض نبقى سعداء و فريش و فرافيش.”
جدها ضحك و أخدها في و هيدي بتبص له بتوتر و كل ما تيجي تعلق بلونه تقع منها من كتر التوتر!
في المول.
أيلول بحزن: “يعني أنا لسه كان واحد متهجم عليا في مكان مقطوع إمبارح و النهارده خارجه مع صاحبتي و هنروح حفله بليل! بتفكري إزاي أنت يا علا؟ نفسيتي متسمحش بكل ده..”
علا: “يا بنتي بقى خليكي فريش شويه.. هندخل لابوار نجيب أي حاجه حلوه للناس.”
أيلول: “تمام.. بس هستناكي هنا عشان المكان زحمه.”
علا بحماس للحفله: “أوكيييه.”
ضحكت أيلول عليها و فضلت واقفه مكانها لحد ما لمحت غريب و يزن.. قلبها دق أول ما لمحت غريب.. حست إن ده إلي أنقذها إمبارح..
أيلول بتوهان: “هو! هو الظابط!”
كان واقف قدام محل هدوم رجالي و هينزل خلاص على السلم أيلول إتشجعت و جريت عشان توصله بس هو كان نزل في الأسانسير ف نزلت هي على السلم العادي جري و هو مع يزن بيتكلم معاه و مش مركز خالص مع أي حد..
بس ملحقتهوش و كانت زعلانه أوي لدرجه إن دموعها ملت عيونها هي حتى مش فاكر إسمه!!!
بعتت لعلا رساله و صوتها حزين و مطفي: “علا أنا هروح.. و هنام.. مش طالبه معايا حفلات و سهر.. متزعليش.. تمام.”
قالت كده و قفلت الريكورد و أخدت أوبر و روحت على بيت علا.
في الحفله بليل.
غريب بإبتسامه: “و أنت طيب يا فندم.”
اللواء: “أنا عارف إن مش وقته.. بس عندك مأمورية الشهر ده كمان يومين.”
غريب بضحك: “يا فندم عادي.. بقيت متعود.”
غريب كان مركز أوي على هيدي مراته و أشرف.. و الغريب إنهم كانوا بعيد عن بعض تماما.. عكس أي مناسبه لازم يتفاجأ بوجودهم سوا.
بنت بصوت عالي: “هييييييدي!”
هيدي إلتفتت ليها و قالت بإبتسامه: “علاااا.. عامله إيه؟ أومال فين صاحبتك إلي قولتي هتيجي معاكي؟”
علا: “لا نفسيتها مش تمام و روحت البيت نامت.”
هيدي: “طب تعالي بقى أعرفك على صحابي الجداد.”
في المطبخ.
طلعت هيدي الشغالين و دخل أشرف وراها و غاليه أختها.
غاليه بعصبيه و همس: “اه يا كلاب! الحمل ده حصل إزاي و إمتى؟”
هيدي بخوف: “معرفش.. إحنا بقالنا شهرين سوا.”
غاليه بصدمه و قهره: “يا يا!”
ضربتها غاليه بالأقلام و أشرف حاشها عنها و قال بعصبيه: “دلوقتي هنعمل إيه؟”
غاليه بدموع على قذارة أختها: “معرفش.. معرفش.”
هيدي بتنهيده: “هقوله إن ده إبنه.”
كل ده كان غريب واقف على باب المطبخ ف قال أشرف بعصبيه: “أنت مجنونه! العيل ده لازم ينزل.”
غاليه و أعصابها سايبه: “أنا رأيي كده.. لازم تسقطيه!”
شهقت هيدي فجأه لما شافت غريب واقف على باب المطبخ!
هيدي فتحت بوقها بصدمه و جت تجري عليه قفل باب المطبخ عليهم و غاليه بتقول بعياط: “الله يخربيتك.. أنا كان مالي بيكم و بقرفكم!!! أنا عملت إييييه!”
وقعت هيدي على الأرض و فضلت تعيط و تتشحتف من الخوف أما أشرف بص على الباب الوراني للمطبخ و جيه يفتحه لقاه مقفول من بره.
غاليه بزعيق: “غريب ظابط و ذكي و أكيد قفل علينا من كل ناحيه!!”
يزن قرب على أخوه و ساب صحابه و قال: “أجي معاك نوديها المستشفى و لا حاجه؟”
غريب بإبتسامه: “لا خليك أنت.. الليله عيد ميلادك برده زي ما هو عيد ميلادي.. خليك يا حبيبي بس خالي بالك من البنات كويس.”
بص يزن على ليان و لين و قال: “متخفش عليهم.”
جري وراهم و هما بيركبوا العربيه و هو ركب عربيته و هما الإتنين إنطلقوا على أقصى سرعه و المطر بدأ ينزل بشكل غزير!
هيدي بخوف: “براحه يا أشرف برااااحه!”
