هيدي بدموع: “ااااه يا حبيبي.. جوزي مات خلاص!”
عملوا العزاء بتاعه لما أشرف بلغهم إنه لقى الجثه متفحمه على الطريق في عربيه غريب.. و دفنوه الصبح كمان!
هيدي بهمس: “لقيت جثه مكان غريب منين؟”
أشرف بخفوت: “أنا ظابط و ليا إتصالاتي.”
و هيدي من قلة أكلها بسبب الخوف و التفكير أغم عليها في العزاء!!
أبو غريب كان طول العزاء في حالة صمت رهيب.
أيلول بصوت واطي في الفون عشان باباها نايم: “ألو يا سامح.. حالة الطواريء بتاعت إمبارح.. عامل إيه النهارده؟”
سامح بتنهيده: “حد خده النهارده الصبح جينا ملقيناهوش.. و الغريبه إن مكنش في حد في المستشفى!!”
أيلول بصدمه: “نعم!!!”
الفون وقع من إيدها من كتر خوفها عليه إزاي يطلع و هو بالحاله دي و مين طلعه كمان!!!
عند هيدي.
الدكتور: “مبروك يا زهيري بيه.. مدام هيدي حامل.”
هيدي إتوترت و سكتت ف قال الدكتور: “في الشهر الأول كمان.”
الزهيري بص على هيدي بطرف عينه و قال ببرود: “الله يبارك فيك يا دكتور.. كتب خيرك.. تعبناك معانا.”
الدكتور و هو بيلم حاجته: “المهم بس راحه تامه للمدام.”
الزهيري أخد نفس عميق و قال: “ده من المؤكد.”
ليان و لين كانوا واقفين جمب مامتهم لين إبتسمت ببراءه و موضوع إن مامتها حامل ده خفف شويه عن موضوع موت أبوها.. أما ليان عياطها زاد و طلعت من الأوضه و طلعت لين وراها..
ف هيدي إتوترت أكتر من الأول و الزهيري بيقعد جمبها على كرسي جلد في الأوضه..
الزهيري بجمود و ثقه: “إلي في بطنك ده إبن غريب إبني الله يرحمه و لا إبن حرام؟”
هيدي بلعت ريقها بخوف و قالت بدموع..
الزهيري بصدمه.
هيدي بدموع: “حضرتك شاكك فيا يعني؟ ليه!”
الزهيري بتنهيده: “و لا شاكك و لا حاجه.. أنا ماشي و هاجي بكره أطمن عليكي و على البنات.”
هيدي بتوتر: “ماشي يا عمو.”
طلع الزهيري من الأوضه و نزل ليزن إلي أول ما شاف أبوه قال بتنهيده: “يلا بينا نروح.”
الزهيري بإبتسامه: “كفياك عياط.. أخوك لسه عايش.”
يزن بدموع: “بابا أنت متخيل؟ القدر ربنا وداني المستشفى و نسيت الفون بتاعي إمبارح عشان أروح و أشوف أخويا صدفه على السرير متخرشم!!”
الزهيري بجمود: “ما تمسك نفسك يا يزن.. أخوك حي يرزق و هجيب له دكتوره بنت واحد صاحبي تقعد معاه لحد ما يفتح عينه و يقف على رجله.”
يزن بتنهيده: “بس هو يوافق بس يا بابا.. و نعرف إيه إلي حصل و ليه أشرف قال إنه مات؟”
الزهيري: “هو تقريبا لما نروح على الڤيلا هنلاقيه فاق.. يلا بينا.”
في الڤيلا إلي على الطريق بتاعة غريب كانت وسط شجر كثيف و زرع كتير و أشجار.
غريب بألم: “أنا مش شايف.”
يزن و هو حاضنه: “معلش يا قلب أخوك بس عينك هتفضل ملفوفه بشاش لفتره عشان تبقى كويسه و إلا هتتعمي خالص.”
الزهيري بحزن على حالة إبنه: “إيه إلي حصل قول يا غريب.”
غريب بتنهيده و صوت خافت من التعب: “البنات كويسين يا بابا؟”
الزهيري: “كويسين يا حبيبي.. و مراتك كمان كويسه و كمان حامل!”
ضحك غريب بخفوت و بعدين قال: “حامل اه حامل فعلا.. حامل من أشرف صاحب عمري يا بابا!”
الزهيري بصدمه: “أشرف!! أتاري بنت لما شكيت فيها من وقفتها مع أشرف طول العزاء و سألتها: ده إبنك و لا إبن حد تاني؟ قالت: لا إبن غريب.. هيكون إبن صاحبه مثلا؟”
غريب بعصبيه: “مكنتش متخيل إن الغدر هييجي منهم.. هي كانت حب حياتي يا بابا.. عشره و سنين و بنتين زي القمر.. ليه كده؟ ليه ها؟ و صاحبي يا بابا.. ده من و إحنا صغيرين سوا يا بابا!! ليه؟”
يزن: “إهدي عشان قلبك و صدرك إلي بيوجعوك.. إهدى.”
غريب بدوخه و عروقه بارزه من العصبيه و الضغط: “أنا حصل فيا كده ليه يا بابا؟ ليه حظي كده؟ ليه؟ أنا.. أنا لازم أقوم.”
حاول غريب يقوم مسكه يزن و زعق: “غريييييب! أقعد! مينفعش تروح مينفعش!”
غريب بعصبيه و زعيق و عياله هسيبهم معاهم و حقي و شرفي.
الزهيري بزعيق و صوت أعلى من صوت غريب هز أرجاء الڤيلا: “مينفعش تروح! عزاك كان من ساعات! أنت ميت دلوقتي! ميت قدام الناس!”
غريب بطل يرفص عشان يقوم و جسمه إتصنم.. حط إيده على قلبه و هو حاسس بألم رهيب و قال: “ميت!!!!!”
عند أيلول.
بعد ما باباها فاق و بقى كويس دخلت قفلت على نفسها في أوضتها و فضلت تعيط لإنها مش عارفه توصل ل غريب و يا عالم هو كويس و لا لا!
فجأه دخل باباها ف مسحت دموعها بسرعه و قالت: “مالك يا بابي تعبت تاني؟”
فاروق: “لا يا قلب بابي.. بس عاوزك في موضوع مهم.”
أيلول بلامبالاه: “معاك حبيبي.. معاك.”
فاروق: “في صديق عمل ليا من زمان.. إبنه تعبان و محتاج دكتوره يقعد معاه و طبعا هو طالبك بالإسم.”
أيلول بتوتر: “بس يا بابي شغل المستشفى و العياده.. بيحتاجوني.. مش هقدر الفتره دي لعلاج مريض واحد.”
فاروق: “يا حبيبتي بقولك صاحبي.”
إتنهدت أيلول بزهق: “خلاص يا بابي ماشي بس هاخد ممرضه معايا.. و هيبقا ليها أجر.”
فاروق: “مفيش مشكله.. الزهيري ده في نفس مستوانا المادي ف على ما أعتقد مش هيمانع.”
عند غريب.
أخوه كان عامل له كمادات حرارته مكنتش راضيه تنزل من التعب..
الزهيري بقلق: “ها؟ بيتحسن؟”
يزن: “لا يا بابا.. لا.”
الزهيري بخوف على إبنه: “الدكتوره جايه أهيه.. يا ريتني ما قولتله إنه أصبح ميت قدام الناس.”
جسم غريب كان بيتنفض و أيلول خطواتها بتقرب من الڤيلا هي و الممرضه.. أيلول إفتكرت المكان المقطوع ده نفس المكان.
أيلول كانت حاسه بخوف بس خلاص.. هي جت و وعدت باباها و باباها وعد الراجل.
في أوضة غريب.
الزهيري نزل يستقبلها و طلعت أيلول معاه و هي بتتفرج على الڤيلا نظام كلاسيك و ألوانها بتلعب في باند الغوامق..
دخلت أوضه غريب ف بعد يزن عن غريب و قال: “سخن و حرارته مش بتنزل.”
أيلول قربت و من أول وهله عرفت إنه غريب.. فضلت بصاله و مش مصدقه.. قلبها بيدق بعنف.. و هي مش قادره تاخد نفسها بإنتظام.
يزن: “يا دكتوره!”
أيلول فاقت على صوته و قالت بآسف: “آسفه معلش.. سرحت.”
قلعت البلطو بتاعها و لبست بلطو الدكتوره و قربت تتفحصه لقت جرح في بطنه فتح و بدأ ينزف.
أيلول: “الجرح هو إلي مسخنه كده.”
الزهيري بحزن: “مكنش ينفع يتعرض للضغط ده.”
أيلول خيطت الجرح و عملت كمادات سريعه.. أيلول و هي بتسند راسه على كفها: “إفتح بوقك يا غريب.”
كان شبه مغيب بس فتح بوقه بتعب ف حطت حبايه مسكن و إدته مايه.. نيمته كويس و قامت و هي بتقول: “كان لازم يفضل في المستشفى.”
يزن عشان.. الزهيري قاطعه بجمود: “عشان أسباب خاصه.. و لو سمحت مش عاوزين نعرف حد إن غريب على قيد الحياه.”
أيلول بصدمه: “نعم!!”
الزهيري بجمود: “أيوه إعتبري نفسك بتتعاملي مع واحد ميت! شب ح! تمام.”
أيلول إتنهدت بحراره و هي مش فاهمه حاجه و قالت: “تمام.”
الساعه 4 الفجر.
كانت نايمه أيلول على الكرسي جمب غريب حست بنفس قريب منها ففتحت عينها لقت غريب في وشها!
أيلول بخضه: “يا لهوي! حد يفزع حد كده!!!”
غريب مكنش شايفها بس عرف يوصلها من حركتها على الكرسي و عشان كانت قريبه من السرير..
غريب بصوت خافت: “طلعيني من هنا و إلا هقتلك.”
أيلول بصدمه: “أنت إتجننت!!”
غريب بعصبيه و هو بيضغط على عرق في رقبتها: “أيوه هقتلك أنا واحد ميت كده كده.. خلاص.. أنا ممكن أعمل أي حاجه!!”
أيلول بصوت مخنوق: “إبعد يا غريب.. إبعد!!!”
غريب ضغط على عرقها أكتر ف قالت بدوخه: “غريب!! أنت مش في وعيك هتندم! إبعد!”
أغم عليها ف بعد غريب و هو بياخد نفسه بإضطراب.. مش عارف هو عمل كده ليه! ليه أذاها؟ قلبه معدش بيفرق!!!
الصبح.
أيلول صحت لقت نفسها على السرير بتاعه إتخضت و بصت حواليها لقيته في البلكونه.. طلعت براحه ناحيته و قالت بخوف: “عملت كده ليه؟”
غريب لف لها.. أيلول بصدمه: “غريب! بتعمل إيه؟”
حاولت تاخدها منه لكنه زقها بعيد عنه ف قالت بوجع: “متعملش كده.. هتموت كافر!”
غريب بألم: “و إلي عملوه ده! ده كان حلال أنا خلاص.. أنا إنتهيت.”
أيلول بصدمه: “هما مين؟”
غريب ضحك بسخريه و هو بيعور في إيده: “مراتي.. مراتي و صاحب عمري.. تصدقي خانوني!”
أيلول بعياط: “متعملش كده لا لا.”
غريب بألم: “عاوز أعيط.. مش عارف! مش عاااارف!”
أيلول كانت لسه هتتكلم صوت ضرب النار إلي ملى البيت خلى جسمها يترعش و صرخت!
مين بيضرب نار على غريب؟
بزعيق: “أنا مراتي حامل من صاحب عمري! عارفه يعني إيه؟ يعني أنا فقدت شرفي! الموت بالنسبه ليا رحمه من الناس!”
قاطعها صوت ضرب نار في كل مكان حواليهم أخدها غريب في و هي بتصرخ و نزل بيها على الأرض.
أيلول بعياط: “غريب.. مين دول؟ في إيه؟”
غريب: “متخفيش.. بس أكيد دول أعدائي في الشغل أكيد لسه موصلهمش خبر موتي و الكل عارف إن ليا ڤيلا هنا.”
أيلول و هي بتترعش من صوت ضرب النار: “طيب هنعمل إيه؟”
غريب طبطب عليها و قال: “متخفيش أنا حافظ كل ركن في ڤيلتي دي.. هنطلع سوا لحد عربيه في جنب مداري و هتاخديها و هنطلع على مكان معين.”
أيلول بخوف: “طيب يلا بينا.”
أيلول بصدمه: “نعمه!!”
كان هيقع غريب لإنه مش شايف حاجه من الشاش إلي على عينه.. ف سندته أيلول بسرعه و هو قال و هو بينهج: “يلا يلا مفيش وقت.”
