جيران العمارة بقوا يعدوا علينا بالليل يسلموا على طنط سعاد وياخدوا منها وصفات الطرش والمخلل، وأنا بقيت أرجع من شغلي أونلاين ألاقيها مستنياني بقض\ية الشاي بالنعناع ونقعد نحكي بالساعات عن أيام زمان وناس زمان.
لكن.. زي ما أي عيلة بتعدي بحظوظ وأيام مختلفة، كان فيه اختبار جديد مستنينا، اختبار هيثبت إن اللمة اللي اتعملت دي مكنتش مجرد شو ولا تمثيلية.
في يوم أربع، مصطفى رجع من الشركة بدري عن معاده بكتير. أول ما فتح الباب، وشّه كان أصفر وشكله متوتر جداً. سحبني على أوضة النوم بالراحه عشان طنط ما تحسش بأي حاجة.
قفل الباب وبصلي بقلق: “ولاء.. الشركة اللي شغال فيها بتقفل فرع مصر، وهيتسرح أسبوع من الموظفين، وأنا من ضمنهم.”
اتصدمت وقفت مكاني مش عارفة أقول إيه! المصاريف، وأقساط ، ومصاريف البيت.. كل ده وقف فجأة في ثانية واحدة!
مصطفى حط إيده على وشه وقعد على : “أنا مش عارف أقول لأمي إزاي.. خايف تزعل أو تحس إنها عبء علينا في الظروف دي، وممكن ترجع تنطوي تاني وتفتكر إننا متكدرين منها!”
قلت له بثبات ومسكت إيده: “أهم حاجة طنط ما تحسش إن البيت فيه أزمة تكسرنا. إحنا بقينا عيلة متماسكة بجد يا مصطفى، مش مجرد ناس عايشة تحت سقف واحد.”
خرجنا من الأوضة بنحاول نبتسم ونداري التوتر.. بس الستات الكبار اللي عاشوا وشافوا الدنيا، عينيهم بتشوف اللي ورا القلوب.
طنط سعاد كانت قاعدة بتتفرج على التلفزيون، وبصت لمصطفى أول ما خرج، وقفت بالراحة وجت ناحيته. حطت إيدها الدافية على خده وقالت بمنتهى الهدوء والتلقائية:
“خير يا مصطفى يا بني؟ الشغل فيه حاجة يا حبيبي؟”
