
مش هينفع وحدك يا استاذ بدر لازم زوجتك وبنتك يكونو موجودين وجودهم اهم من وجودك هقلك على شوية حجات تعملها ولما صحة بنتك تتحسن نروح الشىقه ان شاء الله بعد يومين الشيخ كلمنى وقال حان الوقت يا استاذ بدر
لازم نروح الشىقه النهرده انا كمان شويه هوصل المستفى ضغطت على حنان وبنتى وخرجنا من المستشفى ننتظر الشيخ لحد ما يوصل مفيش دقيقه والشيخ وصل فى سيارة أجره سلم علينا وركبنا معاه
قلت للسائق على عنوان الشىقه ووصلنا هناك الساعه ١٢ الضهر
اول ما دخلنا الشىقه قلبى انقبض
كل ركن فيها كان بالنسبه ليا لعنه كبيرة بنتى ومراتى كانو قاعدين جنب بعض راما قاعده فى حضڼ والدتها وانا قاعد قصاد الشيخ
الشيخ صمت شويه قعد ساكت لحد ما سألته مش هنبدأ يا شيخ الشيخ ابتسم وقال انا بدأت من زمان لكن انت مش ملاحظ
قلت فى نفسى اكيد الشيخ بيعزم ويقراء فى سره بعدها الشيخ وقف وحط ايده على دماغ مراتى فوق طرحة الحجاب عنيه ثابته وبقه عمال يتمتم مراتى مذهوله قاعده فى صمت بعد شويه ملامح وشها بدأت تتغير ما بين حزن وكآبه وبكاء لكنها متكلمتش انتقل الشيخ لبنتى وعمل معاها نفس إلى عمله مع مراتى بعدها طلب منى اقعد جنبهم علشان الجلسه تكمل
تليفونى رن وسط الجلسه روحت أخرجه الشيخ منعنى
قال لو رديت الجلسه كلها هتبوظ مش لازم اى حاجه تقاطع الجلسه اعتذرت للشيخ وسبت التليفون فى جيبى واصل الشيخ الجلسه وتليفونى عمال يرن فى جيبى بلا توقف
بعد نص ساعه الشيخ خلص حسيت بسكون غريب فى الشىقه مراتى ملامحها رجعت عادى ولأول مره اشوفها بتبتسم مجرد رؤية ابتسامتها ردتلى روحى حتى راما قامت تلعب شكرت الشيخ جدا بعد ما اكدلى ان الشىقه تطهرت وان الكيان الشرير رحل من الشىقه
الشيخ ودعنا ومشى قعدت مع مراتى وبنتى فرحان بالڤرج إلى حل علينا بعد أيام من الخۏف والتعاسه مراتى حضرت الأكل واتغدينا وشربت قهوتى ودخنت سېجاره لأول مره بمزاج معتدل مراتى حنان كانت قليلة الكلام بترد على قد السؤال عذرتها كنت عارف ان إلى مرينا بيه مش سهل
وانا قاعد بدخن خرجت التليفون بتاعى بعد ما كنت نسيته اشوف الرقم الرخم إلى كان عمال يرن عليه ملقتش اى رقم متصل وارد اخر اتصال كان من تليفونى انا على الشيخ بقله انى هنتطره جنب أسوار المشفى
معقول دا ممكن يحصل
مراتى شافتنى قاعد شارد بفكر سألتني فيه ايه
قلتلها فاكره التليفون إلى كان عمال يرن لسه ببص فيه ملقتش اى مكالمه وارده
مراتى قالت بلامبلاه تلاقيه المنبة وسابتنى ومشيت
ابتسمت رغم عنى هو انا مش هعرف الفرق بين المنبه والاتصال لكن لما فتشت فى التليفون لقيت فعلا انا ضابط المنبه على التوقيت ده ١٢٣٠ ياه يا بدر دا انت دماغك هيست خالص اكيد لما ضغطت على الزراير فى جيبى المنبه فصل
وحسيت ان دماغى مصدعه وجسمى مش على بعضه فقمت اريح شويه
روحت على غرفة ىومنا اريح شويه حنان كانت بتلعب مع بنتنا لما شافتنى داخل الاوضه قالت رايح فين
قلت داخل اوضتنا اريح حاسس نفسى تعبان شويه!!
حنان رفعت
وشها بأبتسامه لا يا استاذ روح نام فى اوضتك احنا لسه متصالحناش
ضحكت لانى كنت عارف انها بتهزر بس قبل ما اوصل الباب
حنان قالت بنبره جديه بدر روح على اوضتك
راما توقفت عن اللعب ووشها خاف وقفت لحظه افكر
بعدها قلت احنا لسه طالعين من مشكله كبيره ومش لازم اتعصب واعمل مشكله تانيه
اسماعيل موسى
اول ما مشيت على غرفتى راما رجعت تلعب تانى ودا كان كافى بالنسبه ليا ان راما تكون سعيده
دخلت غرفتى وحسيت بأرهاق شديد جدا نمت على طول




