عام

يا انا يا هى

عدت أول ليلة، ومكنتش قادرة أغمض عيني. كل ما أغمض، أشوف ابتسامة فوزية المستفزة، وأسمع صوت حماتي وهي بتقول “القديم ملوش بديل”. كنت مستنية رد فعله.. مستنية أشوف هل فيه جواه ذرة رجولة هتخليه يجي، يتصل، يعتذر، أو حتى يحاول يبرر؟

تاني يوم العصر، لقيت موبايل أمي بيرن.. كانت أمه!

أمي بصتلي، فتحت الاسبيكر وردت ببرود: “أهلاً يا أم أحمد”.

صوت حماتي جه من الناحية التانية، بس المرة دي مكنش فيه نبرة الانتصار والبرود بتاعة امبارح، كان صوتها فيه لؤم ومحاولة لقلب الترابيزة: “أهلاً يا أم العروسة.. جرى إيه من امبارح؟ بنتك مشت وسابت البيت وخربت على نفسها من غير ما تسمع من جوزها كلمتين! أحمد مكنش يقصد، هو بس من المفاجأة، وفوزية كانت جاية تصفي النفوس ومش قصدهم .. إحنا شاريين بنتك، بس عيب ترمي الدبلة في الأرض وتطول صوتها علينا في بيتنا”.

بعدها بساعة، بدأت الرسايل تيجي على موبايلي أنا.. من أحمد.

“أنتي فهمتيني غلط.. أنا كنت هرفض كلامهم بس اتفاجأت.. أرجوكي ردي عليا يا حبيبتي، أنا بحبك ومقدرش أستغنى عنك، فوزية دي ماضي وأمي هي اللي ضغطت عليا”.

ضحكت بسخرية وأنا بقرأ الرسايل. بعتله رسالة واحدة وبس، قولتله فيها:

> **”الراجل اللي يحتاج مهلة عشان يفكر يختار مراته ولا طليقته، ميبقاش راجل يلزمني. والراجل اللي يرمي خيبته على أمه وطليقته عشان يداري ضعفه، يبقى فيه حتى العتاب. ورقتي توصلي في أسرع وقت، وإلا في المحاكم وأخليك فرجة للي يسوى واللي ميسواش.”**

>

عملتله بلوك من كل حتة.. ونمت ليلتها وأنا حاسة إن اللي كان مالي قلبي ناحيته اتبخر، ومبقاش باقي غير يقين تام إني نجوت من مصير أسود كان هيقضي على عمري كله مع أشباه رجال.

مرت الأيام والأسابيع وأنا بحاول أرمي كل اللي حصل ورا ضهري. بدأت أرجع لشغلي وحياتي، وأركز في طريقي وكأن أحمد ده كان مجرد كابوس وصحيت منه. وطبعاً، ورقتي وصلتني بعد محايلات وضغوط من أخويا وأبويا عليه، وخلصت الحكاية رسمي وبقيت حرة.

لكن الغريب، إن الحكاية مخلصتش عنده هو..

بعد حوالي شهرين من طلاقنا، بدأت الأخبار توصلي عن طريق ناس معارف مشتركة بيننا. أحمد فعلاً نفذ اللي أمه وفوزية خططوا له، وتحت ضغط كرامته اللي اتهانت قدام أهله وانسحابي القوي، وتحت ضغط أمه اللي كانت شيفاه “الانتصار الأكبر”، قرر يرجع لفوزية طليقته الأولى.

كانوا فاكرين إنهم بكده رجعوا “القديم اللي ملوش بديل”، وإنهم وانتصروا في المعركة. بس اللي فات ، والتراب لما بيتنفض مبيطلعش منه دهب.

أول ما فوزية ضمنت رجوع أحمد ليها، ودخلت البيت وهي حاسة بنشوة النصر وبإنها “طردت الغريبة”، ملامح الوش الهادي والمسكنة والنوستالجا اللي كانت بتصدرهاله في الرسايل اتبخرت في الهوا! الوش الحقيقي بدأ يظهر من تاني يوم جواز.

فوزية رجعت لنفس طبعها القديم اللي كان سبب طلاقهم الأولاني: الغيرة المرضية، الشك في كل خطوة بيخطيها، على أتفه الأسباب، والطلب المستمر للفلوس والمظاهر. رجعت تشتكي من أمه اللي كانت من شوية حليفتها في التخلص مني، وبدأت تدب في البيت من تاني، وصوتهم بقا مسمع الجيران كلهم.

أحمد لقى نفسه برضه في نفس المستنقع اللي هرب منه زمان، بس المرة دي مفيش مفر. مفيش “عروسة جديدة” ليها ويهدي بيها أعصابه، ومفيش حد يثق فيه. كان عايش في حقيقي، وعرف وقتها إن النوستالجا والذكريات الجميلة اللي كانت بتبعتها في الرسايل مكنتش غير “صنارة” عشان  عينه، ولما الصيد تم، رجعت المياه لعكرها القديم.

في يوم، كنت قاعدة مع أمي بنشرب شاي، لقيت موبايلها بيرن برقم غريب. أمي ردت، ولقيت وشها اتغير وهي بتبصلي ، وراحت فاتحة الاسبيكر.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى