
قام رياض بعزلها عن العالم دون أن تدرى واصبح عالما عباره عن رياض وماذا يحب و التليفزيون وذلك الهاتف وبعد شهر من زواجها علمت غاليه بحملها
وقتها شعرت أن سعاده الكون اجتمعت بها واصبحت ترى انها امتلكت العالم لم تكن تريد اى شئ اخر من ذلك العالم سوى أن يتم حملها بخير
فى الجهه الاخرى عاد رياض لحياته القديمه قبل الزواج سهر مع اصدقاء السوء وفتيات
يتعرف عليهم
فى البداية حاول اخفاء زواجهه لكن اصدقاءه اصبحوا يفتنوا عليه
اصبح يرى وجود غاليه فى حياته شئ مضمون وسعد بخبر حملها كثيرا من جهه سيصبح له ابناء ومن جهه اخرى ذاد الرابط بينها وبينه الذى سيجعلها خاضعه له ومهما يفعل او تعرف عنه ستتقبل من أجل ابنائها
اصبح يبيت خارج المنزل بالايام بحجه العمل وهى كانت تتقبل ذلك بقلب رحب وتدعى له دائما فى صلاتها
طلبت منه ماكينه خياطه وقررت أن تتعلم الخياطه وتصنع بنفسها ملابس اولادها فهى تمتلك كثيرا من الوقت
مر سته اشهر على حملها وتعلمت فيهم التفصيل واصبحت تفصل ملابس لابناءها
فى يوم قررت أن تصنع مفاجأة لزوجها وتفصل لها بيجامه يرتديها فى المنزل تشبه تلك التى تصنعها لاطفالها
دخلت على بعض المواقع وقامت بطلب الادوات التى تحتاجها وبالفعل اختارت موديل وقررت أن تفصله بنفسها وبالفعل قامت بتفصيله واصبح كالجاهز وقامت بكويه ووضعته فى حقيبه هدايا
وعندما أتى زوجها ذهبت اليه مسرعه وهى سعيده بما فعلته
دخل رياض المنزل ودخل مباشره لغرفته ليبدل ملابسه كالعاده وذهبت اليه غاليه مسرعه قبل تبديل ملابسه
رياض استنى استنى
ايه يا غاليه عايزه ايه انا جاى تعبان وعايز انام
معلش حقك عليا انا بس عملالك مفاجأة ومستنياك عشان تشوفها
انتى عملالى مفاجأة قالها رياض بسخريه
اه غمض عينك كده
انا مش فاضى يا غاليه فى ايه قولى
طيب خد افتحها بنفسك
قام رياض بفتح الحقيبه واخرج منها تلك البيجامه ثم وضعها على السرير وقام بضربها على وجهها بقوه
نظرت له غال پصدمه وتحولت ابتسامتها لدموع لا تعلم ماذا فعلت ليفعل بها ذلك
ايه ده انا عملتلك ايه ليه ضربتنى كده انا ضايقتك فى حاجه
طيب البيجامه مش عجباك
كانت تتحدث پخوف ودهشه من تصرفه لا تعلم ماذا فعلت ليضربها بهذا الشكل هى فقط كانت تريد ان تسعده
جذبها رياض من يدها
انتى خرجتى من غير ماتقوليلى
لا والله مخرجت ولا روحت فى مكان
امال اشتريتى دى ازاى
انا فصلتهالك بنفسى فاكر لما جبتلى المكنه وقولتلى لو احتجت حاجه اشتريها من النت واديتنى كذا حاجه اجيب منها انا دخلت اشتريت كل حاجه وفصلتهالك وكمان فصلت منها اتنين صغيرين لولادك
تركها رياض وابتعد عنها واعطاها ظهره
بعد كده ابقى عرفينى بلاش المفاجات دى عشان انا رد فعلى وحش
ظلت غاليه واقفه تبكى ويدها على خدها
انا كنت عايزه افرحك واوريك انا اتعلمت ايه مكنتش متخيله انك هتفهمها كده ثم ذهبت واتت بملابس ابنائها
بص عملت ايه للاولاد كان نفسى بعد الولادة لما ارجع البيت والبسهم اللبس اشوفهم لابسين زيك عشان لما يكبروا يبقوا شبهك
لم يستطع رياض الرد عليها وكبريائه ابى أن يعتذر لها
خلاص بطلى عياط وجهزى العشا وانا هقيسها دلوقتي عشان اشوفها مظبوطه عليا ولا لا
وبالفعل ذهبت غاليه لتحضير الطعام كأن شيئا لم يحدث واصبحت تعطيه الاعذار دائما
مهو عنده حق اكيد اى راجل مراته هتخرج من وراه هيعمل كده واكتر كمان المفروض كنت قولتله بص انا فصلتلك ايه وقتها اكيد مكنش حصل ده كله عموما واحنا بنتعشى انا هراضيه
قام رياض بارتداء تلك البيجامه وخرج لتناول الطعام
جلست غاليه امامه وهى مبتسمه بعد ان ارتدت من تلك الملابس التى يفضلها
ايه رايك في البيجامه عجبتك
أه حلوه طيب مش هتغيرها
لا عجبتنى ومريحه ابقى اعملى منها تانى واعملى للاولاد زيها
حاضر بص يا رياض انا مش عايزاك تزعل منى انا مش قصدى ازعلك وصدقنى انا عمرى ما اخرج من وراك أو اعمل حاجه من غير ما اقولك
انا مقدره رد فعلك واكيد اى راجل تانى دمه حر هيعمل كده بس لو سمحت المره الجايه ماتتسرعش واسمع منى الاول
ماشى يا غاليه خلاص انا مش زعلان
المفروض اننا نروح للدكتوره امته
بكره
خلاص جهزى نفسك عشان نروحلها
انت عارف انا اكتر مشوار بحبه مشوار الدكتورة ده ببقى عايزه اروحلها كل يوم
فى حد يحي يروح للدكتور
انا اولا بشوف اولادى ثانيا بخرج من البيت انا مش بخرج خالص غير على المشوار ده
هو انتى مكنتيش بتروحى مدرسه يا غاليه
كنت بروح بس عمى كان بيخلينى اغيب كتير عشان مكنش عايزنى اتصاحب على حد
صمت رياض لا يعلم ماذا يقول وخشى أن يعطيها حريتها فتهرب منه بعد ذلك فأكمل عليها وفعل بها كما فعل بها عمها ولكنه اعطاها بعض الحريه فى المنزل واشترى لها ما تريده حتى يضمن أنها ستنشغل عنه فى المنزل تلك الفلوس الزهيده التى يعطيها لها لا تؤثر عليه فى شئ
فهى لم تطلب منه مال للذهاب للكوافير كما تفعل النساء او كى تشتري ملابس او مجوهرات هى راضيه تماما بما يعطيه لها
فى اليوم التالى قبل الذهاب للطبيبه اتى لها رساله على هاتفها من رقم غريب فتحتها
لم تشعر بنفسها الا وهى فاقده الوعى وزوجها يحاول أن يوقظها
ياترى غاليه هتفوق بعد الرسالة دى ولا هتفضل سلبيه البارت السادس بدون لينك
دخل رياض مسرعا وجد غاليه ملقاه على الارض قام بحملها ووضعها على التخت و حاول أن يوقظها
غاليه غاليه اصحى فوقى
بدأت غاليه بفتح عينيها
غاليه انتى كويسه
عندما نظرت اليه غاليه تذكرت ما حدث معها وجلست تبكى
ليه كده يا رياض انا عملتلك حاجه
انا مش فاهم فى ايه وعملت ايه وعملتى ايه ماتتكلمى دوغرى وقوليلى حصل ايه
فين موبايلى
اهو
فهى إلى الان زوجه مطيعه لا يريد خسارتها والدخول فى مشاكل وجدالات
اماءت له غاليه رأسها بنعم
بصى يا غاليه انا بورد لعملا بضاعه ستات ورجاله وانا قولتلك كده من اول يوم جواز فاكره
لو بصيتى للصوره هتلاقى الصورة دى فى مكان عام مش مكان خاص
ممكن يكون حد صورنا وحابب إنه يوقع بينا عشان كده لو حصل وحد بعتلك رسايل تانى عرفينى
انا بثق غيكى وجايبلك فون وعارف انك اد الثقه ومش هتخبى عليا حاجه
لا طبعا انتى بتقولى ايه وبعدين انا لو عايز اعرف واحده انا هتجوز على طول مش هخبى عليكى وطول مانتى بتسمعى الكلام ومريحانى انا عمرى ما هعمل كده
طيب المفروض دلوقتي اعمل ايه
اه انا سمعت فعلا قبل كده عن حاجه زى دى
عشان كده يا غاليه عايزك اى حاجه تجيلك تعرفينى على طول وتثقى فيا انتى فاهمه زى انا ما بثق فيكى وجايبلك تليفون وفاتحلك نت وانتى شوفتى عمك كان رافض كده ازاى لكن انا بثق فيكى
اعتدلت غاليه فى جلستها وتحدثت بإبتسامه وتأكيد لحديثه
انت عندك حق معتزلش منى ڠصب عنى والله انا افتكرت بس ان
وظلت تتلئلئ بالحديث
افتكرت يعنى انك تعرف واحده عليا وكده
ماشى يا غاليه مره تانيه تجيلى على طول
واخذ منها الهاتف وقام بحظر ذلك الرقم
يلا بقى اجهزى عشان نروح للدكتور وكمان هنتعشى بره
انت بتتكلم جد
ايوه طبعا يلا بسرعه عشان منتأخرش
وبالفعل ذهبوا للطبيبه وكان الحمل يمر بشكل طبيعي وذهبوا بعدها لاحدى المطاعم واشتروا ملابس للاطفال
كانت غاليه تتبع رياض كالطفله التى تخرج لاول مره
كانت تخشى أن تتحدث مع البائعين فقط تشاور لرياض على ما ترغب به وهى يشتريه
كانت تنظر لما حولها بإنبهار جعل رياض يبتسم على تصرفاتها
ويقرر أن يجعلها كما هى حبيسه للمنزل حتى يرضيها بأقل شئ كما فعل فخروجها للعالم ممكن أن يفتح عينيها لأشياء لم تراها
عادوا للمنزل وعادت غاليه لروتينها اليومى الذى لا تمل منه
انتى هبله يارب ولا فاكره انى ممكن ابص لواحده زيك
علم ابيه بوضعه وحاول الحديث معه اكثر من مره لكنه لم يستطع السيطره عليه فقرر أن يتركه للايام خاصه أن غاليه لم تشتكى منه اطلاقها
عندما كان يذهب اهل رياض له كانت غاليه تقوم بإستقبالهم افضل استقبال مما جعلهم ان يقرروا عدم التدخل فى حياه ابنهم حتى لا يسبب تدخلهم مشاكل فى المستقبل
مرت الاشهر وأتى يوم الولاده فى ذلك اليوم اتى الطلق مبكرا لغاليه وكانت بمفردها فى المنزل
حاولت الاتصال أكثر من مره على رياض لكنه يتجاهل تلك المكالمات
وبعد تكرارا الرنين اجاب عليها بعصبيه
ايه ياغاليه زن زن فى ايه انتى مش عارفه انى سهران مع الناس فى ايه
تحدثت غاليه پخوف وبكاء لا تعلم ماذا تفعل فى موقف كهذا
رياض انا تعبانه أوى مش قادره استحمل انا ھموت الحقنى
فى ايه يا غاليه مالك غاليه غاليه
لم تجيب عليه غاليه من الالم




