رحمة حضنتني بقوة وفضلت تصرخ من الفرحة وتبكي وتكبر في العيادة بصوت زلزل المكان، وقالتلي وهي بتبوس رأسي وإيدي ربنا استجاب لدعائي لك يا عليه! والله كنت بدعيلك في كل صلاة وفي قيام الليل! ربنا ما حرمكيش عشان قلبك
الطيب اللي نجى ابني من الڼار.. ده عوض ربنا ليكي الكبير!
رجعت البيت والخبر نزل على البيت كله زي الفرح الكبير اللي مالوش مثيل. الحاجة دُبحت ذبيحتين ووزعت على الفقرا والمحتاجين في القرية كلها، وجوزي لما عرف مسكني وفضل يبكي زي الطفل الصغير، كان طاير بيا في السما ومش مصدق عينيه ولا ودانه إن حلمه اللي اتأخر سنين بيتحقق.
في اليوم ده، بعد ما الزيطة هديت والناس مشيت، وقفت في الحوش بالليل.. بصيت للفرن الطين الكبير اللي كان شغال بالنهار.. وافتكرت اللحظة اللي كنت هسيب فيها الشيطان يسيطر عليّ والغل ياكل قلبي.
حمدت ربنا ألف مرة وبكيت من خشية الله إني اخترت الرحمة، وإني ما خليتش الغل يطفي النور اللي جوة قلبي.
عرفت إن الأرض الطيبة عمرها ما بتكون بور.. ممكن تتأخر في المطر والزرع، بس لما ربنا بيأذن، بتثمر أحلى وأجمل ثمر، وإن الخير اللي بتزرعه في قلوب الناس، حتى لو كانوا أساؤوا لك في يوم من الأيام، بيرجعلك أضعاف أضعاف في الوقت اللي ربنا يحدده بعظمته. ومن يومها والبيت كله عايش في حب وسلام ونعمة، ورحمة بقت أقرب من أختي، وابني جه على الدنيا ينور حياتنا ويشهد إن رحمة ربنا ملهاش حدود وإن الطيب دايماً غالب.
