أخبار

اسكريبت حصرياً مجرد وهم كامله لجميع فصول بقلم الكاتبة ناهد خالد

بس يا ريت لما تحبوا تجوزوه تاني ماتغصبهوش وماتختاروش له عروسة غير لما تتأكدوا انه يصلح للعىلاقة دي.. ونصيحتي خليه يتجوزها حساهم هيليقوا على بعض مۏت.

وبصتله بعدها بصة من تحت لفوق قبل ما تتحرك خارجه من الشىقة

وهو كان بركان مشتعل وراها مش مصدق انها بتهينه وهو واقف مش عارف يرد عليها!

شوفت وصلتنا ووصلت نفسك لأيه! واقفين مش عارفين نرد عليها عشان عندها حق ولو كانت شتمت ماكنتش هقولها بتقولي إيه.

بصلها وهو على آخره وسابها ودخل اوضته ورزع الباب وراه.

بعد شهر..

يعني هطىلقها ولا لأ

سألته سمر وهو بيكلمها في التليفون فرد بضيق

ما قولتلك يا سمر هطىلقها هي صورة!

اصلك يعني بقالك يومين بتقولي كده ومفيش جديد.

بمشي في الإجراءات يا سمر بعدين مستعجلة على إيه

ومستعجلش ليه! احنا مش متفقين تيجي تخطبني

رد بتنهيدة

وانا مقولتش حاجة اخلص بس من موضوع فريدة.

ردت بتأمر

متنساش اول ما تاخد عفشها هننزل نشتري العفش الجديد سوا مش عاوزه مراية تكون موجوده في الشىقة فيها ريحتها حتى دهانات الشىقة هغيرها البلاط نفسه هشيله.

رد باعتراض

وتشيلي البلاط ليه بس ده لسه جديد.

قولتلك مش عاوزه حاجه من ريحتها وده حقي ولا إيه

رد باستسلام

حاضر يا سمر.. حاضر.

وكان بدأ يتكلم معاها من ٣ اسابيع لما هي اللي بدأت بالكلام بعد ما سمعت من المنطقة ان مراته سايبه البيت بعتتله رسالة على الماسنجر ومن وقتها وهم بيتكلموا وبعد كام يوم اعترفتله أنها لسه بتحبه وجوازها منساهاش حبها له بالعكس اتأكدت اكتر انها مش هتقدر تكون مع راجل غيره وهو اعترفلها نفس الاعتراف وعرفها انه واقف على الطىلاق مع مراته ومن وقتها بقوا يتكلموا ويتفقوا هيعملوا إيه في حياتهم.

ما شاء الله شغلك في الجرافيك هايل.

ابتسمت بامتنان وهي بترد

انا بشكر حضرتك جدا ده مجال كليتي انا كنت كلية حاسبات ومعلومات

وبعد الكلية خدت كذا كورس في المجال والحمد لله كنت حباه اوي عشان كده تقدمت فيه.

ايوه الاستاذ مدحت خالك كان بعتلي السي في بتاعك من يومين.

انا بس اتمنى الموضوع مياخدش سكة الواسطة يعني لو شغلي مش عاجب حضرتك او مش يناسب الشركة ياريت تبلغني بكل شفافية.

ابتسملها وهو بيرد

انا اول ما شوفت شغلك علقت عليه بصدق وكون خالك كلمني عشان تيجي تشتغلي هنا ده شيء وخبرتك واتقانك لشغلك شيء تاني انا بعين هنا الناس اللي تفيد الشركة مش عدد وخلاص.

سكتوا شوية بعدين سألها

استاذ مدحت قالي إنك حامل

حطت ايدها على بطنها تلقائيا وجاوبت

اه اسبوع وهبدأ في الرابع.

يعني قدامك ٥ شهور تقريبا تقدري تشتغلي معانا اوفلاين فيهم.. وفترة الولادة وبعدها ل٣ شهور هتشتغلي معانا اونلاين بس مش هنقدر نمد مدة ال٣ شهور اكتر من كده انا مبعملش ده مع أي حد بس هنا الواسطة ليها دور حقيقي.

وضحك فضحكت ضحكة هادية وقالت

لو ده مش هيعطل شغل الشركة معنديش أي مانع.

يووه ده هيخسرنا ملاييين بس يلا مش مهم المهم استاذ زين يشرف بالسلامة.

ضحكت وهي بتسأله باستغراب

مين زين انا مقولتش أنه ولد!

عادي لو بنت تبقى زينة.

قالها بهدوء وجدية خلتها تشك للحظة إنه بيتكلم جد هو فعلا بيتكلم جد! ضحكت وهي بتبص للوحة الازاز اللي قدام مكتبه واللي مكتوب عليها زين منصور واضح انه شخص نرجسي لدرجة إنه فاكر أنها ممكن تسمي ابنها على اسمه!

يتبع

الجزء الأخير….

عدى ٣ شهور…

تم الطىلاق رسمي بين ياسر وفريدة واتجوز ياسر من سمر من شهر ونص وعرفت فريدة الخبر من فرحة اختها وكان ردها يومها صاډم لاختها لما قالت بهدوء ربنا يسعدهم ويهديه وفضلت فرحة متابعاها قلقانة عليها وهي حاسه انها بتداري زعلها وهي فعلا كانت زعلانة بس مش لدرجة الاڼهيار كانت بدأت تتخطى ياسر في حياتها وخصوصا أنه الحمد لله مدهاش سبب يخليها تتعلق بيه جامد او تحبه لدرجة كبيرة هي يدوب كانت بتبدأ تحبه وهو قطع كل الطرق لأن الحب ده يستمر.

ياه قصة حزينة بصحيح.

قالها زين وهو بيسمع حكايتها مع طىليقها فبصتله بغيظ من تريقته ضحك وقال

متبصليش كده القصة دي كلكوا مغفلين وغلطانين فيها وانت أولهم.

انا!

قالتها بذهول وهي بتشاور لنفسها فقال باصرار

اه انتي إيه يخليكي تقبلي بواحد عنده تجربة قبلك لسه مخرجش منها وحتى لو أهله زوقه الكلام وقالوا كان بيحبها ومعدش محستيش في فترة الخطوبة بعدم اهتمام منه بأنه مقالكيش كلمة حلوة لو قولتي انه كان بيهتم ومغرقك كلام حب هسحب كلامي فورا وهقول إنك كنتي ضحېة.

ضيقت عينها كأنها بتفتكر او كلامه ضايقها وقالت بصوت واطي

لا معملش كده.

يعني الراجل كان باين انه مش داخل الخطوبة دي بمزاجه أو حتى لسه مش عارف ينسى اللي كانت في حياته إيه يخليك تحطي نفسك في حانة إنك تبقي مھددة حياتك معاه على كف عفريت مرتبطة بواحد قلبه وعقله مش معاكي! كنت عاوزه تتجوزي وخلاص!

قالها بسخرية لكنها ردت بدموع

اه تصدق إنك حطيت ايدك على مربط الفرس انا فعلا كنت عاوزه اتجوز وخلاص..

اتنهدت وكملت

كنت خۏفت من الوحدة فرحة بتنزل مصر شهرين بس وباقي السنة مع جوزها في كندا وانا مبقتش صغيرة بقى عندي ٢٧ سنة خۏفت.. خۏفت افضل ارفض لحد ما الاقي عندي ٤٠ سنة ولوحدي خصوصا إني معنديش عيلة يمكن لو كانت اختي متجوزتش ولسه معايا مكنتش هفكر ولا هخاف كده يمكن لو كان عندي ام او اب عايشين كنت عيشت معاهم ومخفتش انا فعلا حسبتها من الناحية دي فاقنعت نفسي ان بعد الجواز اكيد الوضع هيختلف.

اوهمتي نفسك.

رددها بتصحيح لكلمتها وكمل

عارفة اختيارك لشريك حياتك شبه إيه شبه بالضبط لما تروحي تشتري فستان هو عاجبك بس فيه حبة زوايد مش مستلتفه شكلها فتاخديه على أمل إنك تعدلي في شكله قوليلي بقى لو خدتي الفستان وبعدها لاقيتي الزوايد دي مش هينفع تنفصل عنه يأما هيبوظ هتعملي إيه هترجعيه لصاحب المحل ولا هتلبىسيه وخلاص وتتأقلمي مع شكله ما هو عاجبك

وقبل ما ترد رد هو

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى